بسم الله الرحمن الرحيم ...
اهـــــــــــــداء الى ابنـــاء واحفـــاد الشيخ ذيب المهان... بمناسبه زواج( ابنهم نايف)
وتخرج( ابنهم محمد )...
يامسوي الفنجال زوّد قناده=حتى يطيب الكيف والهاجس يجيب
فنجال بنٍ كنه ريق الجراده=من كف شغموم يحوفه بترتيب
شيطان شعري مدني من مداده= ببيوت شعرٍ كل ابوها تعاجيب
والراي من فضل الولي في سداده=وانا وشعري للنشاما مناديب
يامرحبا مليار واكثر زياده= اقولها باسمي وبسم المعازيب
في حفله اصحاب الوفا والسياده= سلايل المهان عطب المضاريب
احفاد من جود زمام القياده=زيزوم ربع تحتمي شمخ النيب
ياسعد منهم في المواقف سناده = إلى تعلو فوق حرش العراقيب
هواشم سادو على كل ساده = مسكانهم فوق النجوم المحاديب
كم شيخ قومٍ هم سبايب نفاده = وكم جادلٍ من حربهم شقت الجيب
المرجله فيهم جبله وعاده = رجالهم يقدم على الموت لاهيب
واليوم عصر العولمه والرياده = فزتو بها ياكاملين الهناديب
من سايس الدنيا بصبر وجلاده = يرتاح في الدنيا وتصفى المشاريب
لاصار ما رزق الفتى من زناده = اما هلك والا يبي يلحقه عيب
من يبذل المجهود ياصل مراده = ذبيت يا محمد طوال المراقيب
ماهي غريبه لا خذيت الشهاده = من طيب راسك وفقك عالم الغيب
من روس ربع طفلهم في مهاده = يرضع من التقوى ويرضع من الطيب
مايرتفع راس يحب الوساده = يشيب ما حصل كبار المطاليب
ومايسهر المومن لغير العباده = والا محاتا كايدات المواجيب
يالله عساكم كلكم في سعاده = ياعيال واحفاد البطل والشهم ذيب
الشاعــــــــــــر ذيب ابن الذيب
23-04-2006, 02:07 PM
العرض الشجري