احساس شاعر

[بيان]

هذه القصيدة قالها الشاعر سرهيد العتيبي في ال غفران
قصيدة سرهيد العتيبي في فخيذة الغفران آل مرّة

رد العتيبي قاف، ما يبداه بالقاء السلام
عسا الذي يرمي السلام اليوم ما ياقف سليم
بعد الكلام اللي يرد العين عن حلو المنام
ليش الحياة ان ما رفعنا عن بعضنا كل ضيم
على عتيبه لوم ، ما هو بس قحطانٍ و يام
وعسى شبابه حلفها باقٍ على العهد القديم
و بعض القبايل وقعت مع وقتها صفقة سلام
و لا عندها تفريق بين الأخ و الند الغريم
الرجل منهم لو عطيته مشط من و سط الحزام
ما ثار له لا قوم جد، و لا ولد عمٍ حميم
و اللوم كاسيكم ليا خليتوا المري يضام
هدر الكرامة و الشهامه يجرح الشهم الكريم
وش ذنبه المري يرحّل من بعد خمسين عام
يوخذ شبابه و المشيب يرد للصحرا يهيم
قولوا: يهود المانيا بالقدس ما قلتوا حرام
و انته تودد للَّعين اللي بمسجدها مقيم
وهذي ديار جدودنا من قبل يا حضرة غُــلام
اللي وصلها من بلوشستان و اصبح من (تميم )
قبيلة ٍ من ضيع أصله طب فيها من شـْـمام
عزيزةٍ كل يبي من عزها ، و الله عليم
و انتم عريبين النسب لكن يغشاكم ملام
و ليا قبلتوا خذلة الغِــفران ما فيكم حشيم
وش سر صبر الهاجري؟ ماهزته نخوه و قام
لا خط مكتوب احتجاج و لا وقف عنكم خصيم
لولا التفكك يا قبايلنا العزيزين الكرام
ماصبح بعضكم كاليتامى فوق مايدة اللئيم
و ين الشيوخ اللي تشيل بشوتها شرق ٍ و شام
ناموا ، عسى الله يرحم أهل الكهف و اصحاب الرقيم
لا.. للترجي ، ما يفيد مع المناجيس الكلام
ما هو بحاسب للتوالي عَــلّ جده للجحيم
خلوا الرجا في روسكم و اللي يقصن العظام
و ان راد ربك، و فق الرامي، و اخذ نفس البهيم
أرموا لباس الذل عنكم و اعركوا خشم العرام
و لا اقعدوا و ابكوا ، عسى تشفع لكم، دمعة يتيم
سرهيد العتيبي