مري ويامي

[(( المري ))]

هذه القصيدة للشاعر ( علي أل جوزاء الفهيدي المري )

صدفه وانا في سوق حي السويـدي=داله وقلبـي ما يعـرف الغرامـي
صادفت من شكله بجيلـه فريـدي=غرو(ن) على وجهه رقيق اللثامـي
قلت السلام وشوق قلبـي يزيـدي=وصدت وقلت ارجوش رد السلامي
قالت سلامك يابـن الاجواد ميـدي=قلـت الله الله ياجميـل القـوامـي
قالت دخيلك روح عنـي بعيـدي=قـلـت العفو مقدر تزايد اهيـامـي
قالت ماتفهم قلـت قلبـي بليـدي=ودمي ثقيل(ن) من بدايـة فطامـي
قالت توكل قلـت تكفيـن عيـدي=قالت حشى ما بك ادب وأحترامـي
قلت اسمحيلي ذاب منـك وريـدي=قالت عسـى عينـك بعد ماتنامـي
قلت ارحمي قالت خفوقي حديـدي=قلت الله ايعينك بذنبـي واثامـي
قالت تراء ربـي عقابـه شديـدي=قلت اشكرالله ماوطيـت الحرامـي
قالت اجل وش انت مني تريـدي=قلت الهدف شوفك هواي ومرامـي
قالت وغيره قلت هرج(ن) مفيـدي=قالت وغيره وش تبي ياالحرامـي
قلت اتمنى لمـس اياديـك بيـدي=في ليلة(ن)غطى الجبال الظلامـي
قالت وغيره قول كمـل ياسيـدي=واصل كلامـك لايهمـك ملامـي
قلـت الهواء راعيـه مايستفيـدي=مدام مايشرب الـى صار ضامـي
قالـت نعـم هذاالكـلام الاكيـدي=لوأنه اتعبنـي وحطـم اعظامـي
هذي ابرك الساعات واليوم عيدي=واناهويتـك يارفـيـع المقـامـي
راسي خضع لك عقب ماهوعنيدي=وانااشهدأن اللطق فـك اللحامـي
قلت ارجو أني وسط قلبك وحيـدي=قالت معرف الاانت يابن الكرامـي
قلت احلفـي بللـي علينا شهيـدي=اللي فرض حج وصلاة وصيامـي
قالت قسم بسم العظيـم المجيـدي=اني فلا أعرف قبل اعرفك اسلامي
اخذ الصراحه دون كذب وجحيـدي=وعطني الحقيقه باالوفاء والتمامـي
قلي وش اسمك قلت علي الفهيـدي=مـري انايابنـت مـري ويامـي
مـن لابة(ن)لاجاالنهارالشديـدي=يردون حوض الموت وردالضوامي
كم جندلو من شيخ قـوم وعقيـدي=وكم فارس(ن) من فوقه الطيرحامي
بفعالنا تشهد اشـيـوخ وعبـيـدي=ويدرون كل الناس شرق(ن) وشامي
قالت صحيح وقلـت هذاالوكيـدي=قالـت تشرفنا وعاشـت لسـامـي