××اول قصيده اضيفها للمنتدى××

[نور المنتدى]

ان صار زود الما بيدين الانذال = حنا من المعرووف تندا يدينا
وان كانهم شرهواعلى طيب الافعال=حنا وردنا اجمامها وارتوينا
وان فكروا للجود يمشون رحال =حنا قبل يمشون يمه خطينا
يا ما لبسنا للشرف كل سربال=وعلى البسيطه للفضيله مشينا
في دوحة العرب لنا مجد وظلال=وحنا على درب المكارم غدينا
لو نجمع اللي فات من المال =ان كان شيدنا القصور وبنينا
نعطي ولا نتبع عطانا بالاقوال=ونبذل ونسكت وما كنا عطينا
وان باعو الشيمه بدينار وريال=حنا دخلنا سوقها واشترينا
نطلع لها ولو هي على روس الجبال=لو هي عسير دربها ما انثنينا
با فعالنا نرسم دروب الاجيال=اليا نساها غيرنا ما نسينا
اسود سادات تسجل للاشبال =فضايل شمنا لها واهتدينا
بيض نسجل من جديدات وسمال =حفايظ لاحفادنا اللاحقينا
نصبر على الشدات ولو شيلنا مال=ولو سال دم انوفنا ما شكينا
نخاف يلقى سدنا كل ختال=ويبني هزيلات المعاني علينا

هذا اللي عندي وسامحوني اول مشاركه لي وتحياتي لكل الاعضاء اختكم نور المنتدى