ايه ارجهن الخفوق ونوخ ركابك=والجرح والبعد والتنكيد مالي به
انا اشهد انك زبنت وخاب طلابك=ولاعاش عمر الفراق ولو عوى ذيبه
لالاشعور الحزن مابيه ينتابك=سيب الندم في مهبه ينجرف سيبه
ابك انت كلك على بعضك انا اولابك=وياعل من لامني للهم والخيبه
ولملم سحاب الوصال وقبل ترابك=واسدل ستار النهار وشف مطاليبه
خل المداهيل بعد القفر واجدابك=يختال فيها صدوق الود في طيبه
وهلت بك العين ولا القلب هلابك=من فرحتي فيك كلي شلت ترحيبه
خذ اول العمر خذ باقيه لحسابك=من دونك العمر قلي ويش اسوي به
طالت وطال الصبر والهم لأحبابك=في غيبتك والليالي سود ومريبه
استكثرك وقتي العاتي وعيابك=حتى صدى صوتك المبحوح خبري به
ياغاية الشوق لو ماصابني صابك=والله ماتاخذ الخافق وتسري به
ليتك تشوف الوله في وحشة غيابك=وتشوف قلبي وجرح البعد ساطي به
نادت طعوني وشفت الموت بأسبابك=وضيف البطا هل وضلوعي معازيبه
نزفت حبر الجروح وقلبي كتابك=من شان خاطر عيونك صرت مصخيبه
وسألت عنك الغياب وليش ماجابك=وتمتم شقا غربتي يقول مدري به
شف حالتي منك من صنعك وهندابك=وانا اشهد الفراق الموت ومصيبه
ياما سألت الطيوف وباقي اسرابك=متى على الله يحن الوقت ويجيبه
وقطعت الانفاس بين السفح وهضابك=ونوازع البال تقبل به وتقفي به
اشتقت لك حيل لعيونك وعنابك=واشتقت للطله اللي كلها هيبه
واشتقت للجادل الرويان وعتابك=واشتقت لليل لامن جيت تومي به
واشتقت للصبح لامن ضاع بثيابك=واشتقت لمعانقك والشوق تدري به
سحايب الوقت والتفكير بأهدابك=ياما لفن صاحبك لين اظهرن عيبه
يفداك قلبن شكى همه وغنابك=وتفداك عينآ بكت من طول هالغيبه
ومع عتمة الليل والنسمه على بابك=كم ذكرته وصالك يوم تحري به
لك وحشة مثل حلم متشابك=وحشه لذاك الحنان وصادق الطيبه
واقبلت لي والفرح يسكن بجلبابك=بعد الغياب الطويل ومر تعذيبه
واليوم كلي وله لمعانق اطيابك=ومعانق احلى وصال ياخذ الريبه
وهلت بك العين ولا القلب هلابك=من فرحتي فيك كلي شلت ترحيبه
العرض الشجري