الموقف اللي يبين لي خفايا العلوم
بيّن لي الناس صادقها و كذّابها
بيّن معادن عريبين النسب و القروم
اللي عن الشك وأهله تكرم أشنابها
ترفع لها البيض منّا كل ليلن و يوم
والطيب يفعل لها من طيبة انسابها
هم والله اللي مواقفهم تزيل الهموم
لاطحت بيد الظروف وطحت بانيابها
رمز الوفا و الفخر ماداهم ف العموم
مراكزن للمراجل ما انقفل بابها
و إلا ضعاف الروابع ميتين العزوم
لا بارك الله في ليلن يجينا بها
مالي معاهم محبة راس وإلا خشوم
وشرهاتهم صوبنا مانحسب احسابها
هذاالصحيح الأكيد اللي يجيب العلوم
و صح الله لسان شاعرها ليا جابها
24-10-2013, 04:51 PM
العرض الشجري