أنا على خبرك كما ريحة العود /اذا احترق بالنار يزداد طيبه

[عبرة وداع]

وشب الصديق اليوم ينسى صديقه
وإليا سألته قال عندي إرتباطات


مدري عذر مصنوع وإلا حقيقه
وإلا الزمن يخلف مسار العلاقات

**
الوافي اللي مايقاطع رفيقه
وبين الرفاقه يكثرون الزيارات

**
ولاغاب يحسب غيبته بالدقيقه
ويبقى حضوره بالقلوب النقيات

**
خلك مع اللي بكل زينه تليقه
تلقاه في وقت الكرب والمسرات

**
مايخلفه لازمك بأي طريقه
تعجبك وقفاته بكل المهمات

**
خلك معه في كل فرحه وضيقه
** ووقفتك تحفظ في سجل الملفات

**
وإلا الردي أدنات حاجه تعيقه
إمهايطي تلقى عزومه ضعيفات

**
لاحتجتله ماغير تسمع طبيقه
يقفي ولايرجع عديم المروات

**
لو الردى معهد ويعطي وثيقه
ياكثر مايعطي ويصرف شهادات

**
ركز ولاتخدعك بعض الخليقه
للخير رايات وللشر رايات