قلبي كما طير

[%الماسه%]

يالله يا مقدر جميع المقاديـــــــــــر = يامفرج الضيقات من عقب شـــدة

من ضيقتي ضاعت جميع التدابير = لوبـــان لي دربٍ ســريعٍ تســـــده

قلبي كما طيرٍ تنوشـــه سواطيـــر = يطير مير ضـلوع صـدري تــرده

فرّج هموم اللي عصته التعـــابيــر = صابــر وصبــره فايق اليوم حــدّه

هذاوانا نســـل الرجــال المغاويـر = مير البلا كثـــر البـــلاوي تهــــده

حذراك يالعاقل تطيـع المــهاذيــــر = اللي كثــيـــــر الحــــكي لالاتعــده

اصحب رجال ولاتخاف المخاسير = اصحــب من العالم صحـيبٍ تــودّه

بالحل ولا في طويــــل المشــاوير = ما ينــعرف بين المخـــاليق ســــدّه

لي من دعيته ما يســـوق المعاذيـر = يلفي بشــوشٍ يعجبــك في مــــردّه

عقب الغدا قـدم حلـيب المبـــاكيـــر = قبل الجمــاعــة ضيفك اليــوم بــدّه

سكّــب دلالٍ طيبـــــاتٍ مبـــاهيــــر = عــدّه على اللي من هـل الطـيـب عـــدّه

يالله تعـزابــن الكـــرام المنـــاعيـــر = اللـي ســـــخا ماحـسّــب قروش كـــدّه


ســــــــــــــــــــــــــــــــلامتكم
تقبلوا تحياتي
الماسه