منتظرك من العام مع من يمرون
.............. أدورك وعيون صبري يتيمه
إنت سرقت قلبي وهم يقولون
............ السارق بيرجع لأرض الجريمه
؛؛؛؛؛؛؛؛؛؛؛؛؛؛؛
أنا عـرفـت الناس ماأجهل الناس
........... حتى غدت نفسي من الناس حذره
ماهوب لزوم اللي زرع يحصد إحساس
.............. أحيان تزرع لكن الأرض قذره
؛؛؛؛؛؛؛؛؛؛؛؛؛؛؛
الذيب لو ذموه ماتفرسه شاه
........... والمدح ماخلى الحباري قرانيس
والمدح ماحط المماليك سادات
....... ولا حط سرٍج الخيل فوق الجواميس
؛؛؛؛؛؛؛؛؛؛؛؛؛؛؛
التعامل يوم جربته بشتى أنواعه
............. والله إني مالقيت أفضل من الرسميه
مافقدت إلا دوخ راسي وكثر أوجاعه
........... ولاكسبت إلا الهدوء والراحة النفسيه
؛؛؛؛؛؛؛؛؛؛؛؛؛
السعه هي غاية الروح مامعها خشير
............. ماخذن جوّي لحالي وعايش في فضاي
حالفٍ ماطب مجلس هل الهرج الكثير
.............. مجلسٍ .. لا قمت منه تحاكوا في قفاي
؛؛؛؛؛؛؛؛؛
عذبيني يكفي إني بلقياك أهتنيت
................ وأملكيني بالمحبه وكوني لي بلاد
فيك قسوة كيلوباترا ورقة جولييت
............. وفيك طيبة ساندريلا وفطنة شهرزاد
؛؛؛؛؛؛؛؛؛؛؛؛؛
من فضولك مابقى فيني فضول
.................. تلتفت فيني تحسب إني أبيك
كنت أغني .. وأشر بيدي وأقول :
........... ( ياشبيه صويحبي .. حسبي عليك )
؛؛؛؛؛؛؛؛؛؛؛؛
مافيه حب إلا وخواتيمه فراق
......... تصرخ مجاريحه من الحب كافي
وأجمل مفِارق لاق والدمع له لاق
............. دمع السنافيه لا خلّت سنافي
؛؛؛؛؛؛؛؛؛؛؛؛
زرقة الغيم ، زخات المطر ، والصباح
....... صوت فيروز ، لون الورد ، ماضي قديم
كلها جات من دونك وصحٌت جراح
............... ليت قلبي مع النسيان طبعه كريم
؛؛؛؛؛؛؛؛؛؛؛؛؛
لا تذكر أسرار قدامه ولا تطري
......... صاحبك لا عاش يومه ماذكر أمسه
من طيب نيّته دايم رقمه السري
............. ( 1 .. 2 .. 3 .. 4 .. 5 )
؛؛؛؛؛؛؛؛؛؛؛؛
هزتني الذكرى على كل مافات
............... جا من يذكرني وقمت أتذكر
لمحت عطره في محل العطورات
.............. وفتحت باب الذكريات المسكر
؛؛؛؛؛؛؛؛؛؛؛؛؛؛؛
بين الحنايا حر ماهوب عصفـور
............... طلعه بعيد وحومته فـي العلالـي
من دون طلعه تقصر طيور وطيور
................ ولا يصيد إلا السمـان الجزالـي
؛؛؛؛؛؛؛؛؛؛؛؛؛؛
شيلني بـ الحب الأول وبالقلب الكبير
.............. وأعتنز بـ الشوق والود وإطلق فالهم
لا تقول إنك ماتقدر عليه ولا يصير
................ أربعه شالوا الجمل والجمل ماشالهم
؛؛؛؛؛؛؛؛؛؛؛
يالحيا يالطهر ياللطف يامعنى القبول
.............. ( مرحبا ) ترحيبةٍ مابعدها مرحبا
إنت دهشه .. ماتفسّر معانيها القبول
......... روضٍ تقدح به بنادق وتركض به ظبا
؛؛؛؛؛؛؛؛؛؛؛؛؛
ياويل قلبي لا غدت غيم وبروق
................. شي ٍ وحيد ٍ بس منه المخافه
أخاف لازاد المطر زاد ذا الشوق
.............. وأجيك مع سيل المطر وإنجرافه
؛؛؛؛؛؛؛؛؛؛؛؛؛؛
الحب ما هو عيب لو عذربوا به
................. ومن عذرب به لاجايب ولا مودّي
سلم العرب ماني مخالف دروبه
................ أحـبـّها و أعـزم وأعشّي وأغدّي
؛؛؛؛؛؛؛؛؛؛؛؛
تجيبك أشواقك من بعيد لبعيد
............... ولا أنت ماودك شعورك يبيّن
ذبحت بـ عنآدك زهور المواعيد
.............. وشلون يغريك القسا وأنت ليّن
؛؛؛؛؛؛؛؛؛؛؛
أحدٍ رهين إتجاه الريح مع من غلب
............. وأحدٍ على طول خلف إخلاف .. ليته عدام
لا يعجبه .. لا العجب ولا الصيام برجب
........... كان أسفل السافلين وفجأه صار أعلى السنام
؛؛؛؛؛؛؛؛؛؛؛؛
هادي و متميز بقلة كلامي
.......... أخفي ورى صمتي سوالف كثيرة
يا عاذلي ماطالك إلا سلامي
................ ماضرني بندق بليا ذخيرة
؛؛؛؛؛؛؛؛؛؛؛؛؛؛؛
سندريلة غياب و يوسفية حضور
................. دايم حضورها يلغي عتاب الغياب
كان جيتك بنقاب وكان جيتك سفور
................... من هنيا عذاب ومن هنيا عذاب
؛؛؛؛؛؛؛؛؛؛؛
الجود شيخ تملكه عدة أطراف
.................. بس المراجل حالفه إنك ولدها
كن العلوم الطيبه عندك أهداف
................ صارت فريسه وإنت كنك أسدها
؛؛؛؛؛؛؛؛؛؛؛؛؛
تعال نسهر غير مافادنا النوم
............... وأصير لك شاطي ومرسا ومينا
[ يا غايبٍ عني ترا للبطا لوم ]
................. حتى نجوم الليل تشـره علينا
؛؛؛؛؛؛؛؛؛؛
على الهجر والبُعد ماني قاوي ! ...........
............ ببقى معك .. لو زدتني بتعذيبك
وإذا تبيها بلهجة .. [الجداوي] ! .........
.......... [ياعمي إنسى حكاية إني أسيبك]
؛؛؛؛؛؛؛؛؛؛؛؛
لله درك فـي فـخامة غـرورك
............ عينك نظرها لي رواقه وتكييّف
تدري وش أكثر شي يشبه حضورك
............ نسمة برادٍ جات في قايلة صيف
؛؛؛؛؛؛؛؛؛؛؛؛؛؛؛
أكثر مشاكلنا سببها .. الصراحه ! ...........
............... وأتفه مشاكلنا فـ حاجه .. صحيحه
لوّ كل جاهل ينربط في .. مَراحه ...........
................... [ ما زادو المترديه و النطيحه ] !
؛؛؛؛؛؛؛؛؛؛؛؛؛؛
عيني على شوفته شفقه ومحتاره
................ ماغير آخايل ملامح .. وجهه النيّر
وقلبي يغني إذا مريت في داره :
............ ( واقف على بابكم .. ولهان ومسير )
؛؛؛؛؛؛؛؛؛؛؛؛؛؛؛
( كلا ولا ) للبعد ياعذب اللما
......... وإن كنت صامل ، راح محبوبك وطي
هل تعلم إن اللي يحبك عندما
.......... تبطي عليه ، يحس بـ الموت البطي
؛؛؛؛؛؛؛؛؛؛؛؛؛؛؛؛؛
الغلا و الشوق يوم أقفيت تاهو
............ ما بقى إلا صورة الذكرى الأليمه
ما يعود الحب الأول مثل ماهو
................. لو تهيء كل الأجواء القديمه
؛؛؛؛؛؛؛؛؛؛؛؛؛
لو بـ أنقهر اللي بيقهرني كثير
.......... لأن المواقف فـ الضماير خالده
اللي أبي ثنتين ما أبيها تصير
.............. قهر أبوي و دمعتين الوالده
؛؛؛؛؛؛؛؛؛؛؛؛
كم لي وأنا أرجي وأتعنا بالوصل وتصدنـي ؟
.................... مدري وش اللي ميّل طبوعك ولاهي مايلـه ؟
من كثر صدك صرت أخاف أقول ذا ماعدّنـي
.................... وصاحبك شيخٍ من عوال شيوخ في قبايلـه !
؛؛؛؛؛؛؛؛؛؛؛؛
متى تجيني وأشعل لشوفك شموع
............. وأذبح لمولد شوفتي لك تمـايم
بفطرك بعد اللـقا من عنا الجوع
............... و سم اللقا مشروع إفطار صايم
؛؛؛؛؛؛؛؛؛؛؛؛؛؛
يآ صآحبيّ , خلكْ عنْ أشوآقكْ صبور
........................ كمل صيآمكْ بـ الخصآل الوآفيه
و إن كآن إشتقت انطر لوقت الفطور
....................... وأفطر عليّ .. يآ جعل فيني العآفيه
؛؛؛؛؛؛؛؛؛؛؛؛؛؛؛
ياصاحبي لو الزمن عاد به خير
................ ماشفت رجالً تذابح مع الجار
أحدً سكن في قصر ماله مسايير
........... وأخر عزم ضيفه وهو ساكن إيجار
؛؛؛؛؛؛؛؛؛؛؛؛؛؛؛؛
الجمال أحيان في وصفه عذاب
............... كل فكره توصفك مستهلكه
نفترض أنك تشيلين النقاب
............. مبسمك يودي بنا لـِ التهلكه
؛؛؛؛؛؛؛؛؛؛؛؛؛
صدق السنين تمر والعمر فاني
.............. والوقت كنت أتجآهله ما أعرفه
العام مثل اليوم هذا جفاني
............ أغلى وأعز إنسان رغماً عن أنفه
؛؛؛؛؛؛؛؛؛؛؛؛
قال أحبك قلت حبك علي ماش
.................. لاصرت في وصل المحبين مضيوم
محمد بن فطيس / قد قالها كاش :
.................... "وشفايدة حبك وأنا منك محروم"
؛؛؛؛؛؛؛؛؛؛؛؛؛؛
افتحوا لي على الإبداع باب ٍ صغير
............. ماتضيع الهقاوي والبساط أحمدي
الكبير إن تعثر في عيوني كبير
............ والردي لو تسنّع طول عمره ردي
؛؛؛؛؛؛؛؛؛؛؛؛؛؛؛
ماتبل السحابه من ملاه الجفاف
............. لو هماليلها من فوق راسه تصب
علمتني حياتي والسنين العجاف
............... المحبه من الله ماتجي بالغصب
؛؛؛؛؛؛؛؛؛؛؛؛؛؛؛
أنا معك لو رحت قلبي يناديك
................ لا تظن فيني شي ثاني وتبكي
وإن غبت أغني كل ماحل طاريك
........... ( يانار شِبِّي من ضلوعي حطبكي )
؛؛؛؛؛؛؛؛؛؛؛؛؛؛
قد قال لي تكفى وقلت ارقى سنود
................ وقد قلت له تكفى ودنق وأستحى
بعض اللحى تنقص ولا يمكن تزود
................ ياحيف هقواتي على بعض اللحى
؛؛؛؛؛؛؛؛؛؛؛؛؛؛؛؛؛؛؛
أحيان .. أحس إني لو أغيب عادي
................ وأحيان أحس إنك تخاف الغيابات
ما تشبه إلا المجتمع .. في بلادي
................. ما يذكرون المُبدع .. إلا إذا مات
؛؛؛؛؛؛؛؛؛؛؛؛؛؛
لو يطول الحب وإشتد العنآق ......................
...................... { أجمل اللحظات لآزم تنسرق
,
وإن سألتي عن شعُوري بـ الفرآق ......................
..................... { إسمعي [ تدرين وأدري بـ نفترق ]
؛؛؛؛؛؛؛؛؛؛؛؛؛؛؛
استري عرض الموادَع ... بـ العتاب
________ وافضحي بـ البوح .. أشواق وحنين
وعانقيني ... همس يغتال [ الغياب ]
__________ ما ألِم ... غير الألَم ... لو تبعدين
؛؛؛؛؛؛؛؛؛؛؛؛
جاني يقول : إن المحبه توافيق
............ ( قسمه ) وأنا ويّاك ماعاد نصلح
كنّه .. يركّز خنجره فـ المعاليق
............ وأقول : يا وجه الشقا كيف نفلح
؛؛؛؛؛؛؛؛؛؛؛؛؛؛
الحب شايب و الفراق ابنه العاق
.................. والوصل غايه والقصايد وسيله
أشتاق وأدري منت راجع لو أشتاق
................ مير العوض في الذكريات الجميله
؛؛؛؛؛؛؛؛؛؛؛؛؛؛؛؛؛
توت وكرز مدري عنب خوخ أو تين
............... مافي قلم يوصفك لو حبره بحور
أتوقع أمك حامله فيك سنتين
................ دقة جمالك ماظنتي تسعة شهور
؛؛؛؛؛؛؛؛؛؛؛؛؛
مآرحت عن بالي ولكن تعمدت
أشوف لو طولت عنك وش يصير؟؟
رجعت لك ضامي بشوقي وتأكدت
اني بلا وصلك حشا ماني بخير
؛؛؛؛؛؛؛؛؛؛؛؛؛؛
لا تنصدم لا شفت في عيوني الخوف!
الوقت ما تدري وش اللي مسوي ؟؟
مرت علي .. احزان وهموم وظروف !
ضيعت فيها !! ( صاحبي من عدوي
؛؛؛؛؛؛؛؛؛؛؛؛؛؛؛؛
اللي يبيـني لايلــف ولا يــدور
يآتـي ويلقآني مثل طعــم العسل
واللـي مآيبغـاني مسـامح ومعـذور
في طـردة المقـفين يلحقنـي كسـل
؛؛؛؛؛؛؛؛؛؛؛؛؛؛؛
تـقــول ويـن الـنـاس واقــول مـدري
وجـه الـزمـن فـرق حـبايب وجـلاس
حتى هذاك اللي سكن وسط صدري
راحـت به الدنيا وقـفى مـع الناس
؛؛؛؛؛؛؛؛؛؛؛؛؛
سبحان من يعطي القبول المخاليق
وسبحان من يفرق عطا عبد عن عبد
بعض الآوادم شوفها » يجلي الضيق
وبعض الآوادم شوفها » يدبل الكبد
؛؛؛؛؛؛؛؛؛؛؛؛؛؛؛؛
كـلْ مآ قلت ‘ الـماء ‘ في جوٌفـي ركـدْ ..
جت ظروٌف آلوقت ترمي بـه : حصآة
؛؛؛؛؛؛؛؛؛؛؛
يا كثرهم كثراه .. ( صدقان الصحن ) !
و يا قلّهم .. والوقت ينفخ ( جمرتــه ) ,
لذا ؟ .. يعيض الرجل في بعض المحن :
عن أصدقاءه وشلّته .. ( فعل مرتـــه ) !
؛؛؛؛؛؛؛؛؛؛؛؛؛؛
مشكلتي أني غير عن بـآقي النـآس
..××.. مع أني أمشـي وآتنفـس وآكـل
لكن.. لي أحساس مـآ مثله أحسـآس
..××.. آدنـآة ضيقة سببـت لـي مشـآكـل
؛؛؛؛؛؛؛؛؛؛؛؛؛؛
علموه أني (فقدتــه) ياعسى عامه سعيد
وعلموه أن (القصايد) في غيابــه تتبعـه
كل عام يمرني .. يالأسف .. مامن جديد
بالحزن (أستقبله) و(أصافحه) و(أودعه)..؟
؛؛؛؛؛؛؛؛؛؛؛؛؛؛؛؛؛؛
ثقافة الناس .. لو أنها على ( الفطرة )
وزارة التربية / صكت مدارسها
ضاقت ملابس عباد الله من البطرة
وصدورها صارت [ أضيق ] من ملابسها
؛؛؛؛؛؛؛؛؛؛؛؛
لا تسولف لي عـن فـراق الحبايـب
من بغى يمشي , فجـوج الله وسـاع
غيّر الموضوع , وش لي بـ, الطلايب
وصب لي فنجال .. يطرد هالصـداع !
؛؛؛؛؛؛؛؛؛؛؛؛؛؛؛؛
ما ألومْ طِفلكْ ، يوم ودّه تروحينْ
مَعه الملاهي ، لأجل مَعك يتفسّح
أنا و أنا عمري تعدّا الـ ثلاثينْ
ميّت عَلى ما أذهَب معك و أتمرجحْ
؛؛؛؛؛؛؛؛؛؛؛؛؛
( القَناعَة كَنْـز ) و المُوت مَا يَقْفَـاه مُـوت
....................مُوتِتِـن وحْده ويَلْقَى أبن أدَم مَا صَنَع
ما نِكَبْنَا يالعَرب غَيْر كَشْخَات البْشُوت
.......................البشُـوت اللّي تّسَحّب على قِلّة سَنَع
؛؛؛؛؛؛؛؛؛؛؛؛؛؛؛؛؛؛؛؛؛
يا برنس ويليم .. يا حفيد السلاطين
*!يا وجـه إبــن فهره .. لكن وش ورانا
خذيت لك فارع .. بها الطول واللين
حتى ابتـسـامتها . . تـنـورّ (مسـانـا) !
زود (ن) على الــرقـه وزود (ن) ع الزين
فيها كثير مِــن . . ( الاميـره ديــانــا )
؛؛؛؛؛؛؛؛؛؛؛؛؛؛؛
العكـس حاصـل واثبتتـه التجاريـب
. . . . . . . . . . . . . كم من صبـي ٍ طـاب وأبـوه ملعـون
فان خاب ابوك وطاب فعلك مهوب عيب
. . . . . . . . . . . . . موسى واهو موسى .. مربيه فرعون !!
؛؛؛؛؛؛؛؛؛
يضيق صدري وأحاول أخفي العبـرة
والناس تسأل.. عيونك ويش صايبها ؟!
أكذب عليهم واقول الجوُ بـه غبـره
و أصدق الكذبة اللي صرت كاذبهـاا
؛؛؛؛؛؛؛؛؛؛؛؛؛؛؛؛؛؛؛؛؛؛
مهما تجملت وفعلت الطيب .. لاترجي أجر
المودمي مايملا عينه بالزمن .. كود التراب
لو كل كلب ٍ لانبح .. لقــٌـمـت في حلقه حجر
بتخلص الأحجار عندي ولاسكت نبح الكلاب
؛؛؛؛؛؛؛؛؛؛؛؛؛؛؛
ليت ربي ما خلقني في عصر ( التآيهيـن )
................ عصر فيه الفتنه أبسط صور لـ الموبقآت ,
كنت أقول :- الغرب فـاسد ؟ و ( ضيّعنـآ ) , إلين :-
................ شفت ضيعآت الحمايل ؟ من عيال و بنـآت !
؛؛؛؛؛؛؛؛؛؛؛
15-02-2012, 01:04 PM
العرض الشجري