مركز وشرطه وتفتيش ؟؟؟؟؟؟؟؟

[نايف العجمي]

لبيش يالرمله على البعد لبيش ===== القلب غنى لش عطاشه عطاشه

قاع(ن) قفر من دونها يتعب الجيش ===== ما كل عزم (ن) لا نوى قوى جاشه

من دونها مركز وشرطه وتفتيش ===== لا ما وصلها من هواها طماشه

اللى تكاود بالسفر والمطاريش ====== وان حتم الموقف يبين ارتباشه

واذا رقد ماهو يحاتى المغابيش ===== والى صحى يتعبه طية فراشه

يدفع على خوته مال وبخاشيش ===== يقطعه مال (ن) جاعل (ن) منه باشه

هذاك لو عنده عمارات حتيش ===== خوته له ومعرفته ومعاشه

واللى عكس منهجه راسى له ايشيش ===== اللى يحوش الطيب والطيب حاشه

يعيش منهو هاوى الصيد ويعيش ===== رجل (ن) يحب البر خصن لا غاشه

باذر من الوسمى ورووقه عكاريش ===== تجلى عمس ضيق الصدر وانكماشه

والصيد فيها رابى (ن) ما بعد نيش ===== ما ذيره قانص ولا الخوف ناشه

نروى كبودن من ولعها معاطيش ===== من الضمى قدهى هشاشه هشاشه

اندوج بارض (ن) ما عرفها دراويش ===== وانهد بصقور(ن) وفيها حماشه

ماهو جير(ن) مهنته ينتف الريش ===== اسمه صقر واكثر طبوعه خباشه



وسلامتكم



نايف العجمى