ابيات مجلاد الفعم
أن تكلم مسمعي من كلامه غصب ذاب
يستقل الحب فيني وقلبي يقنعه
مرتٍِِ كنا نسولف وطاب الليل طاب
قال الارض مربعه قلت الارض مربعه
.....................
بذكرك جايز من البعد ناسي
وارد اوضحلك مكانة غلاتك
يبقى وجودك في حياتي أساسي
مثل الهوى تحتاجله في حياتك
.....................
يالي تقول الصمت خير إمن الكلام
ماعلومنا اي شي الصامتين
لولا الكلام وحنكت الناس الفهام
ماكان نفقه شي لادنيا ودين
......................
مات القصيد وضاق صدر المواعيد
لاخير في يومٍِِِِ قضيته بدونك
ودي أشوفك لو من بعيد لبعيد
بكحل عيوني بشوفة عيونك
.......................
قلبي لك والي تبي تسويه سوه
بس لاتوصل ليا حد الاهانه
......................
يافاعل الطيب سو الطيب بصحابه
لاتفعل الطيب بالي مالهم تالي
الطيب صعبٍِِِِِِ على الي ماتهقوابه
عنده قريبِ وهو مثل اشهب اللالي
.....................
يوم المفارق عيت عيوني تنام
والكون فيني ضاق عقب إتساعه
حطم حياتي والاماني واللاحلام
كني مفارق عزوتي والجماعه
.....................
لاتستشك بغلاك الطاهر السامي
غلاك بداخلي وشلون ماصونه
وانت المحبه اول اخر احلامي
اخون نفسي وحبك ماقدر اخونه
....................
يالشعر لاتحزن على الحض البخيل
ولاتهجر العالم من الطيب وتمل
عليك مني لبتدا المسرا الطويل
اصافح القرطاس وامل الشمل
...................
ديرتي دار الصداقه والسلام
كلنا أهل وجماعه بيت بيت
للوطن عز ومهابه وإحترام
ولو حكيت بموطني مهما حكيت
مايوصف موطني شعر وكلام
يعجز التعبير عن وصف الكويت
....................
وين العرب والشام تنزف من الدم
وين العرب ياهل الوفا والرجوله
وين العرب والشرع مايمنع الظلم
وبشار يسفك دم أهلنا بسهوله
...................
أخذت عبره من الزمان ونصيحه
ماعشتها لاشك من راس شايب
أبوي وصاني وهو في مطيحه
وتشوف في دنياك سبع العجايب
أحفظ صلاتك وأخر العمر صيحه
لابد ماتركز عليك النصايب
والصدق عنوان النفوس الصريحه
والكذب عيب وراعي الكذب عايب
ماحرم الله إحذر إنك تبيحه
يالله عفوك من عظيم المصايب
........................
البارحه ماهنالي نعاس
أدور النوم ماجاني
جف القلم وإمتلا القرطاس
لعيونه الشوق سراني
غلاه ماهو مثل هالناس
كنه غلا بوي لخواني
..........................
يصدق شعوري تراك اقرب من اهدابي
ومابه زوايا بقلبي ماسكنتيها
ابحسب حساب حبك واحسب حسابي
إن مرت فبالك الذكرى وطاريه
........................
توي عرفت الحب في عام الفين
ماهو وفا وخلاص فن وشطاره
........................
إنتي بعين وباقي الناس في عين
محدِ يسواي في خفوقي غلاتك
.......................
الشعر انا لو ماكتبته كتبني
في داخلي موجٍِِِِ ِِ تداحم معانيه
إن غبت وإن ماغبت عنه جذبني
يسعد مساه ويسعد الله لياليه
..........................
يسعد مساك ويسعد الله لياليك
عساك تسلم في مسا كل ليله
.......................
يالي خذيت إمن الغلا قلب مغليك
وشلون ماتوحشني عيونك السود
وإنتًَََ وطن وضلوع قلبي اراضيك
تستاهل افرشلك حشا جوفي ورود
.......................
الحزن طوقني وجرح القلب ذاب
سجين لاكني بلا سجن وقيود
احيان احسد الناس لو تطرد سراب
لو مالها في داخل الدنيا وجود
05-09-2011, 09:06 PM
العرض الشجري