أحلى الومضات الشعرية
((منقولة لعدد من الشعراء))
1- تالي الليل اگلهم باچر انساك
أفز من غبشة الله واحچي بس بيك
بغيرك فكرت ردت آنه أنساك
طلع غيرك يشبهك فكرت بيك
2 - يالجمالك بالمدارس درسوه
والصفوف انترست بحبك ترس
ورسبوا الطلاب كلهم بالأخير
خلصوها استاد عيدلنه الدرس
3- فتت من باب بيتك والدمع سال
بچيت وطاح مني نظر عيني
عميت وردت أوصل عتبة البيت
إجتني العتبة من سمعت ونيني
4- اعيوني ابغير رسمك كرهن الشوف
اوعندي اخلاف عينك مالهن داعي
ولأن بذراعي اشمن ريحتك دوم
تجي ساعات افكر آكل اذراعي
5- يالوجهك بالشمس من وصفوه
والشعر چن الشعاع ونوره
گال خل ناخذ صور للذكريات
گتله وجهك يحرگلنه الصورة
6 - خطية اعيوني شبگت طيفك بنوم
صحيت وردت افكها مخيطة اخياط
نفط ودموع الك رشيت الهدوم
فرحني تعال بعود شخاط
04-07-2011, 10:53 AM
العرض الشجري