يارفيقي والله اني مثل ماني
كل باب يفتح الاحزان يطرق
احترق مابين ابن عم وعاني
احترق مثل احتراق العود الازرق
فياوجودي من ضروفك يازماني
وجد من خاله عريق وجده اعرق
باعته قوم المذله والهواني
للعدو اللي وسم خده بمطرق
الاماني بحرها مالـه مواني
يانك تصبر في حدوده يانك تغرق
والعمر محسوب باجزاء الثواني
شارع مافيه تحويله ومفرق
والا انا وجهي من الاحزان حاني
والحياة تموت والبسمات تسرق
جرحي الاول بجنبه جرح ثاني
فلاتذكرني براعي العود الاطرق
صاحب شب الولع بين المحاني
لين جنن راعي الرمح المزبرق
علموه ان لي ثلاث سنين اعاني
يوم غابت نجمته واغيابه اشرق
وعلموه ان طيفه الا منه جاني
ينتحر دمعي وانا في راس الابرق
وعلموه ان الزمن لامن كواني
احترق مثل احتراق العود الازرق
الشآعر
علي بن عبيد بن فجيحه
01-06-2011, 05:59 AM
العرض الشجري