هذي إحدى روائع الشاعر المبدع / حمد البريدي
أعجبتني وحبيت أنقلها لكم
وعساها تنول رضاكم
لبيه ياللي شوفتكـ تبري العوق
(ابرة غلا) من دون وصفه ولا شي
يسري مخدرها معا دم وعروق
ساعة تلامس جلدة ايديكـ بيدي
لكن ليا ناظرت في كحلة الموق
ايقنت اني كنت ميت وانا حي
تعال واحضني على الصدر برفوق
وكمل جميلكـ بالعطا واسقني مي
تضنيني بحبكـ وانا بحبكـ آتوق
لمعانق ورود حيت دون ما ري
ترى المحبه شي راقي ومرموق
وانا اعبر لكـ عن الواقع الحي
اشتقت لكـ وآذبح قلبي من الشوق
امشي على رمضاكـ وآحسها في
كني اطير اطير وآطير لكـ فوق
لين آتقبض فالقمر وامتلي ضي
في خدكـ اليمنى مخاييل وبروق
وفخدكـ اليسرى محطات وضوي
ربي خلق لكن فرق كل مخلوق
واعطاكـ عين رمشها ملتوي لي
يامحوق من سود النواظر ويا امحوق
لوقلت في عينكـ سحر يمكن شوي
لو انكـ طيري ما لمس رجلكـ سبوق
كاسكـ براسكـ وين ما تروح وتجي
آدلعكـ برضاي واقول معتوق
لكنكـ اخذت ارضاي ما ابقيت لي شي
دامكـ هنا منته مخلي ولا سوق
ماغير اداري عنكـ واتعبت رجلي
بس المصيبه والبلا و (آخر العوق)
اسبوع في برلين واسبوع فدبي
وانا على حالي ليا اتعبني الشوق
أقول ( يكفي بعد ) وآصفق ايدي
10-05-2011, 05:40 AM
العرض الشجري