السلام عليكم ورحمة الله وبركاته
محاوره بين الشاعرين المبدعين محمد ابن الذيب وفلاح القرقاح
محمد ابن الذيب
.
سلام الله على الحضـار ردية وزنهـا مضبـوط
وابـن ريفـة تقـدره المطالـيـق ويقـدرهـا
لقيته بالحجاز يجر صوتـه ضايـق ومبسـوط
على الدرب الطويل يقـدم الخطـوة ويأخرهـا
فلاح القرقـاح
.
ألا يـا مرحبـا ترحيبـة التقديـر والمسفـوط
عدد ما تنقلـب روس النواخـذ فـي بواخرهـا
أنا لا رحت وإلا جيت ما يمـلا علـي شـروط
معـزز فـي بـلادٍ طـاهـرة والله يطهـرهـا.
محمد ابن الذيب
.
ما دام أنك تعرف البحر وش تبغي بالأخطبـوط
جماهيرك من أهل البحر لا تجـرح مشاعرهـا
بعد زال القحط والشيل نـدّى قاعـك المقحـوط
لا ترفع منخرك والناس ترفـع لـك مناخرهـا.
فلاح القرقـاح
.
تحب البيع في سوق القرع ولا سـوق القـوط
أدور لأولــه والثانـيـة لـلـي يـدورهــا
نمد لك العسل صافي وتعطينا العسـل مخلوط
طبيعـة والطبيعـة مـا ماحـدٍ يقـدر يغيرهـا
محمد ابن الذيب
.
وأنا مخيرك في ثنتين أما السيـف ولا السـوط
حدا الثنتيـن واللـي مـا تناسـب لا تخيرهـا
يا شاعرنا الكبير اللي وصلنا صوتك المشحـوط
تراك اللي قـدح خشـم الفتيلـة ليـن ثورهـا
فلاح القرقـاح
.
إليا من شفت وجه الفهري اللي عارضه مشموط
تجـود فالعمـد واحـذر تواطـاك بحوافـرهـا
رفعت الصوت وأطيبكم غدا مثل أم خمس جنوط
توجـه واتخـدم واجنوطهـا تاطـا توايـرهـا
محمد ابن الذيب
.
أنا أشوق اقحطان وخيلها تسبق من أول شـوط
لكن لا ضاقـت الدنيـا علـي مانـي بذاخرهـا
يافرت البدو شدك منحنـي ولا عليـك خطـوط
موديلاتـك قديمـة والمعـارض مـا تسعرهـا
فلاح القرقـاح
.
سبقتنا يا محمد والردى مثـل الطلـي مربـوط
وكم من جولة قمنـا بهـا مـا انتـه بخابرهـا
لمسنـا القنبلـة والقنبلـة عدادهـا مـفـروط
ياليت القنبلة مثـل الخفـوت اللـي نضيرهـا
محمد ابن الذيب
.
شهد لي جدى الله يرحمه في طرسه المخطـوط
هو اللي يوم جيت ورأيته فالضلـع نـا شرهـا
أنا أوفك معك طاقة حراريـة وتضـرب شـوط
صـح الله لسانـك مـا يوفـي حقـك أكثرهـا
فلاح القرقـاح
.
ما والله تسيبطون الا الـى قلنـا لكـم سيبـوط
لاهبهبت السبايـا وأشهـب البـارود ذاعرهـا
أشوفه نابتٍ لك ريـش وتزيـد البنـوط بنـوط
لكن الفرصة اللـي تعتـرض لـك لا توفرهـا
.
.
مـنـقـول , , , ,
28-03-2011, 01:09 PM
العرض الشجري