((( يـــــــــا بـــــحـــــــــــــــــر )))

[منصور آل شثان الدهمي]

((( يــــــــــا بحـــــــــــر )))

يابـحـر جـيـتـك وانـا كـلـي هـمــوم = جـيـتـك وهـمـي مـعـي مـثـل الـقـلاده ،،

جـيـت انـاظــر فـيـك وأروم الـعـلـوم = جـيـت اخـفـف هـم قـلـبـي من عـناده ،،

جـيـت أراجـع ذكـريات(ن) مـا تدوم = طـيـفـها عـنـدي مـثـل حـلـم الـوساده ،،

يـابـحـر بسبح مـعـك من غيـر عوم = بـسـبـح بـفـكـري وبـقــدح مـن زنــاده ،،

شـفـتـنـا امـواجـك تـلاطـم ثم تزوم = وكــنـهـا مــلـت مـن أســرار الـركــاده ،،

فـي ظـلام اللـيـل تـشكي للـنجوم = قـالـت هـمـوم الـبـشر فـيـهـا نـكـاده ،،

أدري أن ظـيـقـتك من قول الخصوم = قـاذفــيــنـك وأنـت تـصـبـر في جـلاده ،،

يـتـهـمـونـك بـالـغـدر مـن جـاء يعوم = وأنـت وافي والـوفـاء مـنـي شـهــاده ،،

يـابـحـر مــثــلك يـجـــدد لي عــزوم = واللـي مـالـه عـزم يـبقى في مهاده ،،

والـصـقـر يحشم عن دروب الرخـوم = والـصـقـر يـابـحـر يـعـرف مـن هــداده ،،

واللي مــالــه بالــعـوايد والـسـلـوم = أشـهــد ان مـالــه بـهـالــدنـيـا إفــاده ،،

والـحـيـاه جـروحـهـا مـاهـي تـــدوم = والـزمـن جــولات وكــلـن لـه إيــــراده ،،

وســــــــــــلامتكم / كاتبها الشاعر مـــنصـور آل شــــثـان الدهمي