ياكثر ما أشتاق لك وأقول أبشوفك..وياكثر مانوي على جيتك وأمرك

[مبارك مقيت]

السلام عليكم ورحمه الله وبركاته



نعوود لكم بعد ذا الغيبه



ياكثر ما أشتاق لك وأقول أبشوفك
وياكثر مانوي على جيتك وأمرك

ودي على أمواجهك وأمصافح أكفوفك
بس البلا والله أني خايف أضرك

من رحت عني وعذرك سابقٍ خوفك
ومن قلت لي فكني من خيرك وشرك

أحس في ضيقتك و أقدّر أظروفك
ماقلت بايع ولا قلت الزمن غرك

أردد أسمك طرب وأكرر أحروفك
وأهيجنك من صميم القلب وأجرك

أكذب ليا قلت قلبي يقدرأيعوفك
وأكذب لياقلت حالي بعدك يسرك

بس أتظاهر وأنا ودي على شوفك
وأقول ماجيك وآنا دايم أمرك