كن حبك ضيف والقلب بدوي

[خيبت لي ظني]

ماعلي أخلاف أقول اللي أبيه ..
من فضل ربي علي إني قوي

ألآ حبك شي ماأقدر عليه ..
كن حبك ضيف والقلب بدوي

أنت بس اللي أبيه ولا أجيه ..
عنك حظي لاوي ذراعي لـوي

صرت لي مشوار لاجيت أبتديه ..
إن لقيت الدرب ضيعت الخوي

وين رايح جعل هالزول أفتديه ..
وأنت خابرني من البعد أنكوي

رد يامنهو حياتي في يديه ..
لاتخليني وأنا لكـ محتوي

إن خسرتك وين أبلقى لك شبيه ..
وأنت من كل شي نادر تحتوي

أنت حتى الجرح منك أشتهيه ..
من غلاك أضمى عذاب وأرتوي

أنت لا سولفت ماكني أهنيّه ..
ألتزمت الصمت كني منطوي

ليه أسولف لك وهي من غير ليه ..
تعرف إنك تطوي أحزاني طوي

أنت حبك شي ماأقدر عليه ..
كن حبك ضيف والقلب بدوي