سؤال هــــــــــام…..المحــــــارم المحارم!!

[Aziz]

السلام عليكم ورحمة الله وبركاته

موضوعي قد يمر.. على الكثيرين.. مرور الكرام..وحال لسانهم.. يقول وش فيها..عادي الموضوع

وقد يقف الكثيرون.. متأملين مفكرين.. معيدين للحسابات..

اخواتي يابنات..وانا اخص البنات بالكلام..

والعزيزات.. الغاليات المتزوجات يشاركون معنا..

واخواني الاعضاء.. ابي رأيهم بالموضوع..

سؤالي أطرحه لكم..اريد اجابه ..

ماهي الحدود امام المحارم..؟؟ ..اعني حدود اللبس.. محارمك جدك, والدك, اخوانك, اعمامك, خوالك, اولاد الاخ, اولاد الاخت

خواتي ..هل عادي الواحده.. تلبس من غير كموم يعني (كت) او على قول جداتنا (مزلط) امام .. محارمها؟؟

هل يجوز لبس القصير..الشورت..؟؟ خواتي.. اذا قلتوا لي عادي ومافيها شي اقولكم..لا مو عادي ومايجوز..بل حرام

واقولكم ليش..؟

اولا:: يادرر انتم يا اغلى من الماس.. والذهب والكنوز كلها..وين راح الحياء..؟؟ الخجل..؟؟ هل اصبح كل.. شي عادي عندنا..

صحيح هذا اخوي.. وهذا ابوي..ولكن هل نسيتي.. انك فتاة وانثى.. والحياء مطلوب..

ثانيا::هل نسيتي انه لايجوز لك ابداء مفاتنك الا لزوجك..في المستقبل القريب بإذنه تعالى..؟؟

قد تقولين ليش سوء النيه.. اعوذ بالله وش مفاتن..؟؟هذا اخوي وهذا خالي وهذا ولد اختي ..شلون افتنه..؟؟

اقولك انا ادري انه نيتك سليمه..لكن اعلمي ان اخوك شاب..والله اذكر محاضره لأحد المشائخ ..يقول والله

انه يأتيه شباب.. يشتكون يقولون.. ياشيخ والله مشكلتنا مو قنوات.. ولا دشوش والله مشكلتنا بيوتنا..

مشكلتنا اخواتنا ومحارمنا.. مايخجلون منا.. ولايستحون يلبسون.. الضيق والمفتوح والشفاف .. بزعمهم اننا محرم لهم..

وحتى لو كان اخوك متزوج وحتى لو كان والدك رجل كبير..انت فتاة والخجل والحياء زينتك..انتِ بدونه ولاشي..

ثالثا:: ياعيوني انتِ مثل ماقلت زوجك ..هو الوحيد اللي يحق.. له يشوف منك مابدا له ومثل مايبي..

فيا غاليتي.. لو انتِ تعودتي من الان على هاللبس..اجل شلون تحسين بالفرق لما تتزوجين..؟؟؟

شلون تحسين بالفرحه.. لما تنخطبين يوم.. تروحين للسوق.. تشترين وتجهزين لعرسك..؟؟

لما تقعدين تطالعين.. ملابسك وجهازك.. تقولين شلون البس.. هالملابس قدام زوجي!!؟؟ ..ووجهك يحمر..ياسلام قمة الخجل والحياء..

لكن هالزمن الله المستعان..!

اخواتي انا ماقلت هالكلام الا إبراء للذمه..ارجوا مااحد يزعل منه واعتقد مااحد يزعل من الحق..انا قلته خوفا عليكم..اتقوا الله في

محارمكم..وفي انفسكم..نصيحه من اخوكم لأخواته .. عسى الله ان يتقبل منا ومنكم صالح الأعمال..


منقوووووووووووووول للفائده .