تعال ماباقـي مـن العمـر حاجـه
تعـال دام انـك وصلـت وتعنيـت
اقلط تربع وسـط صـدري وناجـه
وابشر ترى قلبي علـى ماتمنيـت
يلعن ابـو مـن لا يعـدّك خراجـه
ومن لا يصونك من عيون الهلافيت
ياللي غرامك وسط صدري رواجه
وعلى خفوقي صار لك الف مانشيت
الصـد والهجـران اكبـر سماجـه
والقرب يجمع خاطر الحي بالميـت
يقوله اللي صـار فيـه ارتجاجـه
ويجاذب الونـات خلـف التناهيـت
ومجنون حبك لـو تكـدر مزاجـه
فل القصايد فـل شاعـر عفاريـت
لبيـه يـأم الدلعـنـه والغنـاجـه
لبيـه لـك لبـا يالـبـا يالبـيـت
يانبـض قلبـي ياهـواه وعلاجـه
لد النظـر للـي عروقـه مفاليـت
مدري مـع الأيـام عـاد نتواجـه
ولا على ماقيـل باالخيـر مسيـت
ولا أنت فينـي مندمـج اندماجـه
الى الأبد ياطيب الذكـر والصيـت
أوآآه يادمـعٍ يـزيـد انـدراجـه
وأوآآه ياجـو الحـزن والتشاتيـت
وأوآآه ياقلـبٍ يـزيـد انبـلاجـه
على غياب اللي حروفـه مناحيـت
أقسم برب اللي عرج بـه عراجـه
في غيبته لانـي بحـيٍ ولا ميـت
امشي على كيفه وكيـف انتهاجـه
مافيه يومٍ اصـدر امـره وعييـت
وين أنت يانور الشعـر ياسراجـه
ماني مصدق انـك اصـلاٍ تخليـت
اللي غرامه عشق ماهـو هماجـه
غرام يجمعنا بعيشـه وفـي بيـت
ابغـى ولدهـا بالقـى والمواجـه
لاصاح يجمع له قبايل لهـا صيـت
تاقف معه في يوم زايـد عجاجـه
لاقال ابو سالم وصـاح وتعزويـت
عريب خال وفـي خوالـه نهاجـه
وقرمٍ مثل عمـه وياليـت ياليـت
دايم اقول اشلـون عـاد نتواجـه
الله يجمـعـنـا وذا ماتمـنـيـت
واخر بيوت القلـب قبـل انفلاجـه
غنيت بيت أهل الوفا يـوم غنيـت
أن كان حبي صار فيـه انعواجـه
قولي عسى راسي بصقع الدناميـت
16-06-2010, 04:37 PM
العرض الشجري