ضروري ارجو الدخول؟؟؟؟

[قبلة بيتهم]

السلااام عليكم ورحمه الله وبركاته

لوسمحتووو بغيت خدمه صغيره ابي واحد يشرحلي معاااني ذا


القصيده حقت محمد بن ذيب اذا ماافيها كلافه واكون شاااكرتلكم



على خط جسر بقيق مريت جسر بقيق
وانا غترتي من فوق راسي ورابطها

دوي الرعد فاذني دوي طايرات الميق
ابي ديرة ماني بجاهل خرايطها

على شان من يحلم بزولي قبل ما يفيق
والى فاق ذاكرته على الحلم سلطها

معها العذارى لو تهايط مساء واشريق
عليم ان غلاه ان قد يوقف مهايطها

عليه الوصوف النادره راكبه وتليق
تحوطه من زود الميانه وحوطها

كساير ذهبه اللي لها فالنحر تبريق
تغبط على منحره والنحر غابطها

يا غصن الغلا يالله بالخير والتوفيق
تبا تغنم الفرصه معاي وتفرطها

جدايله ما تدري وش المشط يا بن زريق
تعرض على شهب الهبوب و تمشطها

ابا سمعك بيتين ما هي من التلفيق
وبيتين تصلحلك وبيتين سافطها

وبيتين يل حقها من المنتقد تحقيق
وبيتين ما تعجبك ولا تعابطها

ألذ الوصال مواصلك واحلى ما ذيق
عسل النحل شفتك و الثغر مسقطها

غرامك غضى الجمره يفوح عليه بريق
ترفق على كبدي ترى البعد شاحطها

تخبر الدموع اللي سرت من عيونك ضيق
لقاها هدب عيني حزينه وقلطها

و قامت تجمع من على محجري وتويق
والى حولت ما عاد يمديه يلقطها

لكن ما عليها خوف خل الدموع تريق
خدودي لدمع من سبايبك باسطها

صغاير الامور اشيلها والكتوف تطيق
وعظايم الامور اتهزني واتباسطها

وانا ما علي من شلة الضحك والتعليق
اعرف الخيول النادره من مرابطها

وادور على الجزله لو انها براس طويق
ضعاف النفوس الله من الارض يسخطها

ابي شوفتك من دون موعد ولا تنسيق
لو انك ما بين ابا الرياجيل وانشطها

عذاب الممات من التوجاد والتفريق
ولذيذه ما بين اطراف كبدك وباسطها

لو احملك ذنبي خطايا لذيذ الريق
انا قبل اعرفك رايح في خرايطها