اللهم لاتواخذنا على تقصيرنا في جانبهم

[الاصيل اليامي]

رحماك يارب

اللهم لاتواخذنا على تقصيرنا في جانبهم.

ويابخت اللي يقدر يعوض هذا التقصير فيهم قبل فوات الاوان..

احبتي اضع بين يديكم هذه القصه المؤثره ..

هذي قصيدة واحد اعرفه

ولكن هو سوى حادث و كانت معه امه في السياره

و توفيت الام من سبب هذا الحادث والولد ما صار فيه شي

الا بعض الجروح الله الخفيفه

فتمثل بهذه الابيات التي تحكي شدة الصدمه

والم الحسره والحمدلله على كل حال

: وترا الكلام هذا صار في مدينة الأحساء

يواسيني وانا الميت وحالي يجبـر الدمعـات=تسيل من الذي فيني ويبكي وهـو يواسينـي



وانا ابكي واتنهد وارسـم بالحـزن لوحـات=يجبروني عشان امشي ورجلي مـا تمشينـي



قتلت رعايتي بيدي قتلت الحـب والرحمـات=حرمت النفس من حقها وانا ابكيها وتبكينـي



وكنه حلم قدامـي يقيدنـي مـن الصرخـات=ابي اصحى ولكني عجزت القى ال يصحيني



فداك القلب يايمه ومهمـا قلـت مـن كلمـات=صغيره في كبر حقك بس اتمنـى تعذرينـي



نهبت الفرح من بيتي صحيح اني خسيس الذات=صحيح اني ولد طايش وكل ما أسمعه فينـي



تجول عيونهم فينـي تفصـل منـي قياسـات=وتشيح وجوههم عني وكنـي غيـرت دينـي



يظنوا حزنهم اكبر وهـم اصحـاب هالمأسـات=وانا اتحدى اذا فيهم ربع مـا يحتـرق فينـي



نقص قدري بعد موتك وغابت نشـوة اللـذات=وصـار الهـم عكـازي اباكيـه ويباكينـي



عطيتيني بدون حساب ولا سمعتك تقولي هات=وانا اشرب حيل من دمك ودمك ما يكفينـي



يايمه ارجعي كافي ابجلس معك لـو لحظـات=واقبل ايدك ورجلك وافرش لك رمش عينـي



يايمه ما تحملهم يقولوا فـات مـا قـد مـات=تعالي غيري هالقول واطيعك باقـي سنينـي



واترك عادة التدخين وانفذ مـا تبـي بسكـات=واصلي الفجر في المسجد قبل منتي تصحيني



يايمه ارجعي تكفين وطفـي شمعـة الآهـات=ابيك انتي ولا غيرك علـى موتـك تعزينـي



وضميني وداويني مثل مـا كانـت الهقـوات=ما ابي احدن يواسيني ابيك انتـي تواسينـي



دخيلك بس لا تبكي اذا شفتي بـي الدمعـات=انـا مقـوى ابكيـك اذا انـتـي تبكيـنـي

منـــــــــــــــــــــــــــــــــــــــــــقــــ ــــــــــــــــــــــــــــــــــــــــــــول