اثر المحبه تبحث الرجال وتبيح خفاه=اليا سطت بين الضلوع وعلقت مخلابه (لسلطان بن وسام)

[رجـم بـذال]

السلام عليكم ورحمة الله وبركاته



بدون مقدمات





مع الوزن الثقيل

من شاف حالي قال ياسلطان حالك وش بلاه=وامرر اسئلة الفضوليه واصك ابوابها
وانا الى من جاء العصير وذعذع الغربي هواه=ونيت وناتن كبير الحظ ما يبلا بها
والغالي اللي كل شريان تغذى من غلاه=يلعب على كيفه وأهل مكه تعرف اشعابها
والحال نفس الحال مايخفاه طيبه من رداه=والعين ما تبغى تشوف احباب غير احبابها
روض الحشا قد له ثمان شهور ماطقطق سماه=في غيبة الفرحه عساها مايطول غيابها
اثر المحبه تبحث الرجال وتبيح خفاه=اليا سطت بين الضلوع وعلقت مخلابها
انا قريت كتاب حبٍ مااحد قبلي قراه=وغنيت فيه معلقات مااحدٍ غنابها
حب من ورا حدب الضلوع ومبتداه=ماهو لاجل شهرة لابو الشهره لابو من جابها
عسى الجريده والمجله والإذاعه والقناه=فدا عنود الصيد وإفدا شوقها واعجابها
الجادل اللي كل مامنها يشد الانتباه=حتى الكلام يحير بين شفاهها وعذابها
لا قلت ياسمح المحيا ماتعرف تقول هاه=ماتعرف إلا يا نظر عين الغلا واهدابها
احيان احس إنها طفل وازعله وادرك رضاه=حتى ليا قامت تعاتبني يازين عتابها
احبها حب الفقارى للتشبث بالغناه=حتى لو ان الفقر بين جلودها وثيابها