^- سمعت صوتك واتصالك وفزيت ^ وانا من اول خاطريه فيه ضيقه

[ضنى سبيع]

السلام عليكم ورحمه الله وبركااته

قصيده اعجبتني وانشالله تحوز على رضاكم


سمعت صوتك واتصالك وفزّيت
وأنا من أول خاطري فيه ضيقه

كنت احسب إني عن غرامك تخليت
ولأ إني اجحد فرحتي والحقيقة

واثرك سكنت بخافقي واستقريت
وان المشاعر في بحورك غريقة

يا مسرفٍ بالحال واش فيك صديت
من غيبتك وسط الضماير حريقة

قصدك غلا ,, غالي ولو ما تغليت
نذر إنك اغلى من جميع الخليقة

والله ما عمرك بغيرك تساويت
تفرق مثل نوض السحاب وبريقه

المشكلة ما تدري أنك توليت
على الجريح اللّي طريقك طريقه

والمشكلة تخطي وتحسبني اخطيت
ومن الغلا لرضاك نفسي طليقة

اغرقتني في بحر حبك وقفيت
حملت قلبي فوق ما لا يطيقه

واليوم سمعت صوتك وهليت
المشكلة مشاعري لك رقيقة

سمعت صوتك واتصالك وفزيت
وأنا من أول خاطري فيه ضيقة


وسلامتكم...