ياربعنـــــا الغفـــــران تكفــــون تكفــــون ( إهداء إلى أرواح شهداءنا في النيجــر )

[العز بالسيف]

بسم الله الرحمن الرحيم

:
:
:
:
:
:
:
:
:
:
:

السلام عليكم ورحمة الله وبركاته
أبت قريحة الشاعر / زايد ال كروز
أن تصمت وجاءت بهذه الجزلــــــــة والتي تعتبـــــــر مفخـــــرة .
وهذه القصيــــده إهداء إلى أرواح شهداء النيجــــر من قبيل آل مـــره
رحمهم الله رحمه واسعه , وجميع أموات المسلميــــــن

ساد الفخر وجه الفجر صبح كانون=صـبـح عـلـيه الحزن مـعـنـى مغيــبه
لـكن له من أهل الفخر ساس وركون=فيه الشبيبي يتفخر في شبيبه
ماهو فخر أهل السبق والمراثون=ولا فخر من غط عيبه بعيبه
الا بفعلن مابعد كان ويكون=منا وحن ما كاد دربه نجيبه
مالله خلقنا نتبع الذل والهون=والذل له من يتقي في شعيبه
صدورنا دون الخوي درع وحصون=وايمانا مثل الرماح العطيبه
افعالنا دستور ثابت ومصيون=وامجادنا ترقى براس الرقيبه
خوفن يقال إن ال مره يذلون=بعنا العمر بين الطليب وطليبه
بربوعنا اللي باعوا الروح من دون=خويهم ماهي عليهم غريبه
اسلاحهم ذرعان وصدور ومتون=ونطح الرصاص بقلب ما فيه ريبه
ولاحن نسويها علشان يدرون=إن حن رجاجيل الأمور الصعيبه
إلا نعلم كل من ضمه الكون=ان روسنا يوم الملاقى صليبه
دون اخويانا ندفع الروح عربون=نموت ما نرضى حيات الغليبه
ودون اخويانا نرخص اشناب ودقون=شباب ولا شايبن بل شيبه
لاوقفت واستغلقت غلق كيلون=وصار التقدم والتراجع مصيبه
نزتها لاجل الخوي زت مجنون=ولا انتغالى سعرها باللهي به
نمون يالموت الحمر وانته تمون=اخذ العمار وفعلنا ينحكي به
وفلو الجدايل ياذوات اشقر اللون=اللي مثل عنق الحصان وسبيبه
انتوا من افعال النشاما تزفون=اللي شروا بالموت راس الجبيبه
يا ربعنا الغفران تكفون تكفون=بعض المقابر ما تحط بنصيبه
تسقى بكنبودي معتق ومدهون=من شان تفرق للرجال العريبه
يا زياد يا ابن الشيخ للطيب مامون=ومن طاب مثلك ما نتغافل بطيبه
بياض وجهك طول والوجه مصيون=ويشهد لك الرجل الجريه صويبه
وفادوك شجعان على العز يمشون=ربعن لهم سمعه وقدرن وهيبه
ما واحد" منهم تلوى الدركسون=يوم الجبل لسود عوى فيه ذيبه
تحزموا بعمارهم ما يحسون=وساقوا الغضب لأهل الوجيه الغضيبه
عاداتنا يا زياد والرجل ممنون=باللي انكتب له فالحياه ونصيبه
ننطح سهام الموت وابليس ملعون=لو إنـهـا بـيـن الـنحـر والـتريـــــبه
خوينا يا زياد ما راح مغبون=من شانه نخلي البعيده قريبه
خوينا يا زياد فالحفظ والصون=سلومنا وسلوم اهلنا العريبه

صح الله لسان الشاعر : زايـــد آل كروز