بسم الله الرحمن الرحيم
اما بعد بغيت اذكر قصيده من صديق للواد جدي جطلي ابن ورده رحمه الله واسكنه فسيح جناته من صديق عزيز له وهو الشيخ محمدابن فهد وجزاه الله خير على هاذي القصيده ويقول فيها :
يالله يلـي مالـنـا رب غـيـره
يامنزلن دين الهـدا فالصحايـف
ابرج لمن قلبـه تمـزع ضميـره
كنه يطعـن بالسيـوف الرهايـف
وكبده عليهـا ولـع الهـم كيـره
فعول الليالي ذاق منها الشفايـف
وعينه تهل امن العبايـر غزيـره
تزعج على الخدين تنزف نزايف
ابومحـمـد راح يالله الخـيـره
يالله ياربـي عليـك الخـلايـف
جطلي على ربعه خسـاره كبيـره
وزنه ثقيلن يوم غيـره خفايـف
طيبه على ربعه وفضلـه وخيـره
فالجواد والامجاد مالـه وصايـف
ومقدام يوم ان الفشق ولع ابنيره
يقلط ايلا منه انفهق كـل خايـف
يوم الفشق يرعد ويهدر هديـره
مثل الرعود اللي تراجف رجايـف
ملفا الرجال اتجيه من كـل ديـره
ذرب الطبايع والسوالف طرايـف
راحت به الايـام منـي امغيـره
اخطفته الاقـدار منـي خطايـف
خلا جريح الروح يزفـر زفيـره
متعذبن من باقي العمـر عايـف
عقبه حياتي ماتسـاوي شعيـره
ولاينفع الملهوف كثر الحسايـف
الله يخلـي شايبـي لـي ذخيـره
الهيلم على كل الرجاجيـل نايـف
فالدين والدنيـا شريـف مسيـره
ذرب الطباع الفاضلات الشرايـف
الهيلم جمعنا فالامـور العسيـره
بلهان شيـال الحمـال الردايـف
الله يمهـل بـه سنيـن كثـيـره
ريف الجماعه فالسنين الحفايـف
ومقدام يوم ان المواقف خطيـره
يوم الشفايـا مـن بللها نشايـف
لاثار من اضواق المجاري سعيره
يـوم النشامـا للبنـادق هدايـف
جعل الولي من كل شـر يجيـره
بدعوات من كبر على البيت طايف
زين الليالي غرور فتره قصيـره
وتغتر فيها اهل العقول الضعايـف
اقفى سعد الايـام وادبـر دبيـره
ذيك السنين الصافيـات النظايـف
معـاد فالايـام خيـر وخـيـره
لو اقبلـت يـوم تقفـي نكايـف
خيبه على الدنيا الرديـه حقيـره
مثل السراب غرور زايل وزايـف
راحو مناعير النشامـا الشهيـره
راحت بهم جرد الليالـي زلايـف
راحو وخلونـي ابهمـن وحيـره
وحياه من عقب النشاما كسايـف
وقلبي لذكراهم تفـر فـر فريـره
فريـر طيـر للملاويـح شايـف
يكفخ مثـل طيـر يتلـه جريـره
في ايدين صقاره يشوف العلايف
الله يرحمك يالشخ جطلي ابن ورده
03-01-2010, 06:24 PM
العرض الشجري