لك سنه وشهور تحسب بالثواني (فالح بن دهمه)

[جلوي بن سبعان]

لك سنه وشهور تحسب بالثواني نحتريها جيتك يا أغلا هديه

مرحبا باللي تربع بالمحاني=والنفوس الطاهرات اللي نقيّة

مرحبا من قلب ينطقها لساني=ما تكفيني ولا ترضي البريّة

عاد عيدك ياوطنا بالتهاني=ثالث أعياد السنة بعد الضحيّة

المشاعر بالمكان وبالزماني=كل منّا ينتظر شوفة خويّه

لو نحرت بجيّتك كل السماني=ماتعبر عن ولاء روحا وفيّه

إنت الأول بالغلا منت بثاني=وانت أبو خالد وأبو كفٍ نديّه

الخزامي والنفل والقحوياني=فاح مع فنجال بن الشاذليّه

جيتك غيثٍ وجاد بها الزماني=هل وبله فوق الأرض الجرهديّه

لاح برقه وانتثر وسط المثاني=حي شوفه في المزون العقربيّه

ياكريمٍ حاتميٍ بالمحاني=بالثراء وطيتك حتى حاتميّه

سيدي سلطان مزبن كل جاني=لاتعزوى بالجدود الفيصليّه

إنت مضرب للمثل وأبلغ بياني=ياحدود أبعاد كل الشاعريّه

شعبك الميمون ياعالِ المكاني=دونكم يارد على حياض المنيّه

من شمال الحد للحد اليماني=ومن طلوع الشمس لين المغربيّه

رددت حلو القصايد والأغاني=وأفرحت في جيّتك نجد العذيّه

ياولد منهو روى حد السناني=جعل قبره للمطر صبح وعشيّه

شوفتك فرحه وغايات الأماني=ابتهاج ورفع روح المعنويّه

لك سنه وشهور تحسب بالثواني=نحتريها جيتك يا أغلا هديه

سيدي نرفع كفوف الامتناني=الشكر لله مانلحق جزيّه

الشاعر فالح بن محسن بن دهمه

الخبر

جريدة الجزيرة