جعلني ماذوق حزنك ولارقدلك على تراب
ياول من ألمحته عيني وضمت عليه أهدابها
تأخذني المنية كأني جبتلك الشفا بليا أسباب
ويصبني العما لو التعاسة شرعت لك بابها
ادري في خاطرك علي مشاربه ولوم وعتاب
وهروج الناس ذبحتك ماحسبت اليوم حسابها
لو كان زعلك بسبة حلم تمنيته فأبشرك خاب
وخابت بداخلي احلام كان قلبي ينام ويصحابها
ياتاج راسي انا رمحك لارميته للهدف صاب
وانا ذئبك يوم الدنيا عليك تجوع وترمي كلابها
محزمك يوم الشدايد كل ماناديته عنك ماغاب
درعك من نكبات الايام لاجارت عليك اتعابها
منك العذر والعفو ياسيدي يابعد كل الاحباب
ياصاحب اوسمة العز والفخر يامؤلف كتابهـــــا
ياقدوتي للعليا يامعلمني واشلون ارقى للسحاب
امدحك وانت تستاهل المدح يوم غيرك ماجابها
والنهاية صل على محمد واله وكل الاصحاب
وخلني اجابه حظي بها الدنيا ومثلك ادرابها
28-11-2009, 02:48 PM
العرض الشجري