نصيحه الى كل الرياجيل

[مريغان]

سلام عليكم ورحمه الله وبركاته
وبعد انا في موضوع في صدري ودي اقوله
(احرص ان تعيش حياتك رجال بمعنى الكلمه )

كيف وشلون

ان تكمل واجباتك كلها وتسويها بكمل وجه ولا تصير خساره حياتك بمعنى بس يارقد ولا سهران ولا ادوج ولا ماسافر ولا ساحب على الشايب والعجوز والمره ولا تقضي لزوم ولا تنطح قاله يعني عايش ديكور احرص ان تكون الى حظر ت نومست اللي عندك والى غبت كلن فقدك القاصي والداني وش انت محصل من الضيعه غير المذمه والمسبه جعلني ابكيك هههههه وشكرا وتقبلوها بصدر رحب (وماقل دل وزبده الهرج نيشان ) وفيه قصيده اعجبتني على اوصاف الرياجيل

ياكثرهم لا قلت لك عرفت وجيه
ويا قلهم لا قلت قدر ومعزة

رجل تعزه بعد ما تلتقي فيه
ورجلٍ قبل لا تلتقي به تعزه

ورجلٍ ترزه بالمجالس مباديه
ورجل فلوسه بالمجالس ترزه

ورجلٍ يموت ولا يجيبون طاريه
ورجل يجي طاريه في كل حزه

ورجل ضعيف ويستفزه معاديه
ورجل كلام إعداه ما يستفزه

ورجلٍ يهزه بعض موقف ويشقيه
ورجل ماهوب ايات موقف يهزه

ورجلٍ تلزه يعترف لك بخافيه
ورجل على خافيه محدن يلزه

ورجلٍ يوزونه ويزعل بني أخيه
ورجلٍ يّزعل من يحاول يوزه

ورجلٍ تكزه لازم إنك توصيه
ورجلٍ بليا ما توصيه كزه

ومن لا فرش للمرجله ماتغطيه
ومن لا يخز الناس محدن يخزه

وشكرا ودمتو بصحه وعافيه