ياخذك مـن نشـوة لصحـوة لتخديـر *ثـم يتمرجـح بـك هديـل الحمـايـم

[شوقـ الصحاريـ]

السلام عليكم والرحمــه

صباح / مســا الخيــر ع قلوبكـــم


يقول الشاعر مساعد الرشيدي :

عادة توصلني رسائل تحمل أبيات شعرية من شعرا يستشيرونني بتجربتهم ..

يقول المهم وصلتني أبيات وصاحبها كل شوي يسأل شفت الرسالة ؟ شفت الرساله ؟

يقول مساعد اللي شدني أن صاحبها يستفتي ..

أنشدك وأبغى منك فتوى وتفسيـر=فتوى الشيوخ اهل اللحى والعمايـم
لاصرت أكلم شخص مزيون وصغير=هو يجرح صيامك لياصرت صايـم

ملاحظه :الرد لايعتبر فتوى .. وإنما مجامله من شاعر كبير

رد مساعد:

أن كـان هرجتكـم مـوده وتقـديـر=ياللـي علـى لامـا عشيـرك مهايـم
والود صافـي مـن جميـع المحاذيـر=ولا يلحقك في بعـض الأحـوال لايـم
وفي صوتها حلـم وخرافـه وأساطيـر=وسحـر وبخـور وتمتمـات وعزايـم
وقـام يتدفـق عـن شفايـا مفاتـيـر=رش خفـيـف ومقتفيـتـه نسـايـم
ياخذك مـن نشـوة لصحـوة لتخديـر=ثـم يتمرجـح بـك هديـل الحمـايـم
وحسيت لو أنك عـن الارض بتطيـر=وقامـت تحلـق بـك غمايـم غمايـم
وقامت تحضر بـك جميـع الطوابيـر=وأنـت متشتـت ومتقـسـم قسـايـم
وتبـي تكلـم وأخذلـتـك التعابـيـر=وأصبح يصير الوضـع ماهـو ملايـم
وصارت صباح الخير عندك مساء الخير=وتقطعـت فيـك السـبـل والعـلايـم
ذي ماتبي فتوى ومـن غيـر تفكيـر=كـلـم لعـلـك ماتجـيـب الغنـايـم

*


شــوووق