من فعولها ذكر ( الطنايا ) يهز الصـين .. ونهار الشدايد لا اعتزوا زعزعـوا ســوره

[الجنازه]

قصيده للشاعر عبدالله بن عبيان اليامي
قالها في مدينة حائل وأمام جمع غفير من ابناء قبيلة شمر
قال اليامي :

لعل الوسم يمطر على ديرة الوافين
واشوف البروق تلوح والقاع ممطوره

ديارٍِ غلاها له بوسط الضلوع سنين
ينادي وعشب فياضها فاحت زهوره

وانا جيت اجدد حب راكان بن حثلين
لاهل سربةٍ بالخيل والطيب مشهوره

سرى يطوي فجوج الخلا والعرب ممسين
يسوقه غلا ( شمر ) وتقدير اخو نوره

عسى الله يلوم اللي يلومه ليوم الدين
ما دام القلوب بحب الابطال مفطوره

قرينا تواريخ العرب والعلوم تبين
وكم بارقٍ ليل الدجى ما حجب نوره

على العز يسري والحقايق تسر العين
مثل لمعة سيوفٍ بالامجاد مشهوره

من فعولها ذكر ( الطنايا ) يهز الصين
ونهار الشدايد لا اعتزوا زعزعوا سوره

سلامي عليهم في العسر واليسر واللين
اقوله وانا روحي على الوصل مسروره

/
/
/

وبعد الانتهاء من القصيده
أنهالت التحايا للشاعر عبدالله عبيان
وقدم شيوخ شمر الكثير من الهدايا لعبدالله عبيان ( وهو بلا شك يستاهل ) ،،
منها على سبيل المثال :


1 - فيلا + مزرعه مقدمه من الشيخ محمد بن بعيجان العلي الشمري
2 - مزرعة نخيل كبيره + منزل مقدمه من غزّاي رميح الشمري
3 - حصان أصيل + بكره مقدمه من السيد حمدان خلف الشمري
4 - جيب رنج روفر Spot مقدمه من الامعط عبيد العردان الشمري
5 - جمل حر + خمس نياق وضح مقدمه من خرصان زامل الشمري
6 - فحل اوضح مقدم من السيد فنخور الأسلمي الشمري
7 - 5 نياق وضح مقدمه من السيد عافت الشمري