السلام عليكم ورحمه الله وبركاته
على الله كل شي اوماقسم ربي يصير يصير=قناعت مومن ماقالها الا مقتنع فيها
وانا ياسيدي ما جيت غير اصبحك بالخير=وقدملك ملخصها من اولها ألتاليها
ترا كل القضيه ياطويل العمر دهنت سير=وهي جزيه على البدوان للحضران تديها
ولاتستاهل تسما قضيه رشوه وتزوير=ولاكن المباحث بسمها هذا يسميها
دفعها واحدن يبغيبها العليا فقط لاغير=ولاكنه على ماقيل يبغيها ويخطيها
ولد بدون غشيم ولاتعلم منهج التطوير=ولايدري وش الرشوه ورايشها وراشيها
لاكن المشكله في ديرت العميان شاخ عوير=وبعد مافتحو خلوه يكحلها ويعميها
وانا ياسيدي ماجيت اسوق لغلطته تبرير=ولاجيت أعتذر عن غلطتن مانيب جانيها
جناها من جناها وبتلش فيها عمر وعمير=أسواتن ماتسوا ياعسا ربي يسويها
وانا ياسيدي يا بدر ماجالست راعي الكير=ولاماشيت ناسن ماتشرف من يماشيها
ولاجيتك وانا لمسيلمه في بضاعته خشير=على وضح النقى مانيب حاميها حراميها
ولاكن جيت اكفر عن ذنوبن مالها تكفير=ودور رحمه الله خالق الدنيا ومفنيها
ودور عفوكم ياسيدي قبل الطيور أطير=مادام ان القضيه بين شاهدها وقاضيها
عفا الله ياطويل العمر عن مافات والتشهير=ماهوب الحل لاكن طالبك يامير عطنيها
أبجاه الله وتسبيح والتهليل والتكبير=وملائكته وكتبه والرسل واللي يواليها
طلبتك ياطويل العمر تكفى قبل ظل عصير=يميل ويختفي والشمس عاد الليل قافيها
نخيتك يابوفيصل وأنتخيبك والحصان مغير=تقول اني بيوم تعرف الناس بعزاويها
ونادي يابدر تكفى أجرني ماسواك مجير=تراها قفلت والنار تحرق من يصاليها
بعد تكفى وتكفى ثم تكفى طالبك يامير=ترا تكفى ماهيب تقال للي مايلبيها
تنهض ياحفيد اللي لون طويق ولاالنير=على متنه تنهض ونتهض وشتال راسيها
هذاك اللي حكمها بسيف ابي طالب وقلب الزير=وطوعها البوتركي الين ارسا مبانيها
تنهض ياولد ليثن على ثقال الحمول بعير=شبيه البحر لو بعض البحور تخون أهاليها
تنهض ونتهض تكفى ترا ماعادني ببخير=طوتني علتي وانت الذي تقدر اداويها
كفا ياسيدي تكفى ترا التحجيم والتحقير=جرادن ياكل كبود الرجال الين ينهيها
القصيده اطول من كذا وسلامتكم
الشاعر ضيدان بن قضعان
29-01-2005, 03:31 AM
العرض الشجري