مجاراه لقصيدة الذاهبه
[ رائعه تستحق القراءه ]
الله الي راد والدنيا وجدهـا مـن وجدهـا=ياسنين الحزن يوم ان الفرح غابت سنينـه
الليالي نورها من ضيقة الخاطـر جحدهـا=والنهار اصبح سكون الليل ساكن في جبينه
والمدينه دمعة اطفال الحجاره فـي مهدهـا=اه ياكبر الظلام الي هجـد نـور المدينـه
والفرح صفحه فتحناهـا وضيعنـا عددهـا=مثل ماضاعت من سنين العمر فرصه ثمينه
والهنوف الي تحديت العذارى في رغدهـا=ماتت وخلت بقايا انسان للذكـرى رهينـه
الخبر صدمه تهز النفس وتقصـر امدهـا=ودمعة الفرقا بدمعـات الهزيمـه مستعينـه
ليه ماتت كيف ماتت ليه ماوفـت عهدهـا=والسؤال يعيد نفسـه والاجابـه مستهينـه
ياسنين الظلم وجـروح المتاهـات ونكدهـا=مابقى فالناس خير ولا بقى فالارض زينـه
لو بغيت اعيش كيف اعيش فالدنيـا بعدهـا=كيف اعاصر عالم النسيان والبسمـه دفينـه
كنت اعيش بعالمي مابين مبسمهـا ويدهـا=كنت اساير نبضها والشوق مابينـي وبينـه
ويش اقدم عذر للجـوال الا منـه فقدهـا=ويش اقول لنغمته والصمت عالق في رنينه
ويش اقول لدمعتي والعين يغشاها رمدهـا=كيف اعزي قلبي ودقاته اسرع من حنينـه
وين اروح وكل منظر حي ذكرني شهدهـا=وين اهاجر من عذاب الذات والنظره حزينه
الحزن عـم البـلاد وماتبقـى فـي بلدهـا=غير صوت الله واكبر فالمساجـد رافعينـه
طفيت انوار الشوارع والحزن كسر عمدها=والمنازل خاويه والناس تغشاهـا السكينـه
الونين الـي صـداه يفـرق الام وولدهـا=كني اول شخص فالديره صدى صوته ونينه
والشواطئ تنتظر مرسى السفينه في وعدها=والبحر ينشف وضيع حلم ركـاب السفينـه
الفراق الي برجعه يلحق الشرهـه جهدهـا=بس انا مالي من الشرهه سوى صبر وغبينه
الحياه الي تبقـت حزنهـا يقتـل سعدهـا=والسعد لو هو بقربي قلت ياوينـي ووينـه
انتهت قصة عذاب ودفتر القصه رصدهـا=وابتدى جرح الحزن والدفتر الله لا يهينـه
لـ الشاعر // علي بن جخير
إبُن جخير إبـداعـ..!
العرض الشجري