شاعر وقصيده
قصيده في قمة الروعه وشاعر في قمة الشاعريه قصيده حازت على اعجابي واتمنى ان تنال اعجابكم اترككم مع الشاعر القطري الراقي ((جاسم بن همام العبدالله ))
أطرش .. كفيف .. أبكم .. شعوره يقديه
علمني أسلوب الحكي .. والخطابه
قبضة عصاته .. هم رعشة أياديه
منها .. تعلمت الشعر ... والكتابه
جالس بعيد هناك محد يسليه
غير الظلام.. ووحدته .. والكآبه
بيت عتيق .. وسدرة البيت ..ماضيه
جنب الجدار المهتري عند بابه
الليل والصمت .. ورضاه ورجاويه
عصابة.. تحصد غنايم عصابه
كن التعاسة غنوة .. من أغانيه
غريب.. ما ادري كيف قضى شبابه؟
ما ادري وش اللي حققه من أمانيه
أحس بأن أيام عمره تشابه
أشعث..غبر .. أصفر تلعثم خطاويه
تحكي تجاعيده سنين اغترابه
ما يشبهه.. غير الظما بالمهاميه
خانه مطر عمر الصبا.. والسحابه
فيه الألم.. وأقول : وش عاد ما فيه
ناحل.. مثل قوس النبل .. والربابه
أبطت عيوني تستمع له.. تحاكيه
واقفى يجر خطاه ضعف.. وصلابه
تضحك دموعه بالعيون .. ويداريه
ما بين ذله مع شموخه.. مهابه
بعض الصبر.. لو ينشرى منه لا اشريه
راضي .. بلاه ، إن الزمن ما رضى به
بعده .. دريت ان الزمن تيه .. في تيه
وأن السكوت .. أرقى معاني الاجابه
لكم السعاده.....
29-08-2009, 05:38 AM
العرض الشجري