أنا فيني من الأيام جرحين(ن) على الخفاق= من الاقصين جرح وجرح(ن) من ربعي الادنيني
أقوم بجرح لكن ثاني الجرحين ساق وعاق= مشى سمه مع عرقي ويبست منه كفّيني
يولّعني وَهج ناره وفي فكري كما البرّاق= عواصيف(ن) تودّعني وعاصوف يلاقيني
مثل ريشه نقلها ريح مع شوك وفي مضياق= يمزع شوكها جنبي وبالرجلين يدميني
ألَمها جضّ به قلبي ودخّن بالصّدر حرّاق= تفجّر كنّه البركان في سمعي وفي عيني
يعاقبني زماني يوم صدري بالعنا ما ضاق =أشيل الحمل ما تَعبت من الوعرات رجليني
أعرف أنه قدر عمري واعرف أن الزمن سرّاق =وهذا ما كتبه الله وأنا المكتوب يرضيني
العرض الشجري