الشاعر الشاب خالد بن رمثان.. يشارك الكويت وأهل الجهراء حزنهم من أحداث الحريق الذي حدث في عرس الجهراء قبل رمضان.. والشعراء تأثروا وكتبوا مشاعرهم حول هذا الحدث.
شعر/ خالد بن رمثان
عظم الله أجركم يا أهل الكويت
والعزا لأمواتنا في كل بيت
والله إن النوم من عيني قذا
ما رقدت وما فرحت وماهنيت
يا هل الجهرا عليكم بالصبر
الصبر يا بن آدم إن كانك بليت
كلنا بنموت لو طال الزمان
لكن المغزى تتدارك وش جنيت
والبقا لله علام الغيوب
يالبنادم لك مماتك لو بقيت
قدر الله وما شا فعل
ما نعارض قدرة الحي المميت
والحزن في خافقي شب حطبه
واحترق صدري وأنا منه اشتويت
والعيون اللي تشح بدمعها
صارت أكرم عين يومني بكيت
والفرح عني تلاشى وابتعد
والسعادة فارقتني وانتهيت
من يلوم النفس في كبر الحزن؟
ومن يلوم أبيات شعري لو رثيت؟
وحالتي والله أنا يرثى لها
لو بفسر حال ضيقي ما وفيت
كلها بأسباب عرس أهل العيون
ليت ما به عرس وألا ليه ليت؟
يومهم هذا ومكتوب لهم
والقدر ياتي لو انك ما بغيت
يا عسا يالله فيهم رحمتك
ويا عيسى يلقون عفوك لا عفيت
ويا عساهم كلهم مستشهدين
وجعلهم في جنتك ممن عطيت
والسلامة جعلها فال الصويب
ويا جعلني مستجاب إليا دعيت
والعزا ما هو عزاكم يالظفير
العزا هذا عزا كل الكويت
تاريخ النشر 28/08/2009
28-08-2009, 10:01 AM
خالد بن رمثان في الوطن ..
العرض الشجري