شعر/ جراح بن فنيس
جراح بن فنيس.. من الشعراء الشباب الموهوبين في فن كتابة الشعر حيث إنه يستطيع أن يبدع في كل غرض شعري له أسلوبه الخاص في تقديم المبهر في هذا الطرح الذي عزف الكثير من جماليات الشعر تحت هذه القوافي.. فشاهدوا المبدع جراح بن فنيس من هذه النافذة المطلة على الجمال.
واعيني اللي تكن الدمع ماجوره
كنّي دموعك من العدوان يا عيني
دمعة عيون الرجل تستر كما العوره
ما تنكشف لو يدور الوقت ويشيني
والناس ذلحين منهية وماموره
واغلب وجيه البشر ذات اتجاهيني
حتى بعير البدو بيعيف مقهوره
لكن عسى الله يثبتنا على الديني
ما قيم الناس بالمنطوق والصوره
ما قيم إلا مع الطرقة مخاويني
اللي تختم مع الحدين بسبوره
يشين علم الخوي ويّاي ويزيني
وانا رفيقي رفيقي مجرح شعوره
وقدره وحشمه وتعينه يديني
وليا تباطيت مسياره ابازوره
لو كان بيته ورى عشرة بلاديني
ما جازي الطيب والاحسان بلبوره
وليا تجملت به مابي يجازيني
يكفيني اليا ضحك بحوال ميسوره
عن مدة الناس رب الناس مغنيني
وليا زهمني وقال افزع يا خو نوره
فزيت له فزة تقلب موازيني
في حاجته مستمع لراي والشوره
والله على نصرة المظلوم يهديني
والزلة اللي بغير العرض مقدوره
ما ننفع اللي تعرض للمسلميني
فزعة هل الجاهلية منتهي دوره
ما ننصر اهل الردى لو هم قريبيني
والشعر جبت الدرر من قاعه بحوره
ولا حي الورق من ورقا تلاحيني
شاعر وشعري ثبت بذهان جمهوره
مثل ثبات الوضو عند المصليني
ما جيت ابظهر على القراء بصوره
لو كان ربي جمال الوجه معطيني
بثبت اسمي وقافي وثبت حضوره
صح الله لساني ومشكورة ايديني
تاريخ النشر 24/07/2009
24-07-2009, 10:56 AM
العرض الشجري