هذي منك اقسى من طعنه عدوي [ جمره الثلج ]

[رَعْشِـهْـ هَدَبْ]

هذي منك !!!

اقسى من طعنه عدوي

اقسى و الله حيييل اقسى

حيل تعبانه يدينك ؛؛؛ يقدح الخنجر و اشمك ؛؛؛

هيل و جروح و اغاني



عاد تدري !!!

شفت ظلك !!! ... ياما نبهني عليك ...

كنت اكذب ظل وافي ... كان خارج من خياناتك علي ...

ايه اعرفك ... احضن الخنجر و اشمك

دمع و عيون و اماني




بس انا وياك و الله مو مع الطعنات ضدك

حتى شوف !!! وش كثر اشره عليك ؟؟ و انا مطعون

بإيديك !!!


كان من اول تقول [[ و انا اطعن نفسي عنك ]]





طار من عمري غلاك و دمعتين مورقه ....

بللت عمري حسافه بس انا ما اشره عليك ....

المصيبه نبع عمري ما يصب الا [[ الثقه ]]

عاد شوف و شلون عمري ... و شلون وداني لديك ؟؟؟





اشهد انك ما تقصر كل خنجر تزرقه ...

بالظهر يا حيف و الله ... بالرداء مالك شريك ...

وش لقيت بطعنتينك ؟؟؟ ... غير صدقي و اعذقه !!!

وش لقيت بحضن كفك ؟؟؟ ... غير قلبٍ هو يبيك !!!





ما حبست الا بظلوعي دمع يابس و اعتقه ...

مو عشانك !!! من عرفت ان المحبه ماهي فيك ...

انعكاس الظل يكسر صورتك وسط ورقه ....

و انكسار الضوء خنجر يرتعش من [ طعنتيك ]





كل حزنٍ في عيوني من عيونك اسرقه ....

قلت لك و ان جات ضيقه لا تجيني انا اجيك

كل همٍ من يحاول يوصلك كنت اسبقه

و كنت اخلي عمري يحظن كل طعنه تبي تجيك




الشاعر : [ سالم سيار ]