للتواصل..!
مجنونـه الفرقا,ومـدعـاه للكَـبْـت
تَنبَت بها الوَنَّه, ويصدح بهـا النـاي
في صدري المكبوت!..للحزن رَتَّبْـت
مجلس.. وانا! صار اشهَب الهَمّ مركاي
وللبُعد طبت.. ومن عنى البُعد! ماطبت
كَنِّـه يبـي عَزْلي,وطَردي,ومنـفـاي
ياهـو غيـابٍ مـع مداده!..تشَعَّبْـت
كِلِّي.. وتاهَت سِكَّـة القلـب بخطـاي
يامِبعِـدٍ بـي ليـن تِهْـت وتَغَرَّبْـت
من غِبْت! مَعرِف وش كياني ومَعنـاي
أدميَت قلب الجَـرْح بالبُعْد..والهَبْـت
إحساس جَمْر الشوق من نار الاِقفـاي
وش طَوَّل اليوميَن؟..ليَن اوشَك النَبْـت
على اليِباس..وقيَـظ فرقـاك شـوَّاي
الأربعا سافَرْت واِعـن البَلَـد غِبـت
وتقول: يوم السَبْت من سَفْرِتِك جـاي!
واليوم! راح السَبْت,والسَبْت,والسَبْـت
سَبتيَن..والثالث! حداني علىْ اقصـاي
أبطـيـت بغيابك,وبالَغْت,واسهَـبْـت
وانا انتظر سَبْتٍ معـه غايـة اِمنـاي
ماتدري اِنِّك فـي شِتاتـي تِسَبَّبْـت؟!
مِمّا حَجَب فكري عَن الحَلّ والـراي!
ياخي تراك اوعَدْت,واخطيَت,واذْنَبْـت
تعـال واِنثـر وَرْد عـذرَك بدنيـاي
مانيِب قايل: وِش غَنايِمْك؟وِش جبـت؟
شوفَتْك!..تسوى مال حاكِـم برونـاي
هاذا وانا! مااَقول عَن شوفْتِـك تِبْـت
ورَبّـي! مراقبني..ويَعلَـم نـوايـاي
عَن مابقلبي مِن وَلَه! قلـت واعرَبْـت
متـى يفارقنـي مَـع الوَنَّه,النـاي؟!
ومن طيِب قلب الاربعا!..صَدَّق السَبْت
والسَبْت من كثره!..حَداني علىْ اقصاي
وسلامتكم
اخيكم
سماوي بن نجم
13-06-2009, 12:11 PM
العرض الشجري