..القصــــــــيده الالفـــــــيه.أ.ب.ت.ث..((للنايف))

[@القرم@]

ألف لفا والتف فـي قلبـي احـزان
ياعـزتـي للقـلـب يوماحتملـهـا
والباء بديت اشكي ظروفي على شان
يسمع بها الغالي مـع مـن نقلهـا
والتاء تواصيفه تواصيـف غـزلان
تارد غدير المـاء وترعـى دهلهـا
والثاء ثمان وسبع من غير نقصـان
سنيـن عمـره واعتقـد ماوصلهـا
والجيـم جابتنـي مقاديـر الازمـان
في سجن حبـه والمخـارج قفلهـا
والحاء حديثه ماسمعته من انسـان
ضفي عليه من الشفايـف عسلهـا
والخاء خذيت من الغضي عهد وايمان
وقدمـت لـه منـي عهـود بدالهـا
والدال دار الوقـت والحـظ مـازان
وانـا ظروفـي بينـت بــي خللها
والذال ذللنـي لكـم عالـي الشـان
يا معذبيـن الـروح وانتـم املهـا
والراء رجيت العطف منك والاحسان
ياهـل الحبيـب ليـت منتـم بهلهـا
والزاء زرعت الطيب فيكم ولا بـان
وقلوبكـم متمسكـه فـي زعلـهـا
والسين سويتـوا حراسـه وبيبـان
دون الغزال اللي شكـت مـن مللها
والشين شانت حالتي والزمن خـان
اشكي زلـل هلهـا ولااشكـي زللها
والصاد صار النوم عنـدي تونـوان
واشوف دنيـآ ماصلـح لـي قبلهـا
والضاد ضاعت حيلتي سر واعـلان
مع الغـزال اللـي منعهـا خجلهـا
والطاء طريقي كـل حـزه ومحيـان
صوب البيوت اللـي حبيبـي نزلهـا
والظاء ظميت وعادني اليوم ضميـان
وغصون قلبي يابسـه مـن محلهـا
والعين عادوني الجماعه والا خـوان
وهمـوم قلبـي حملونـي ثقلـهـا
والغين غابت شمسنـا بعـد ماكـان
وقت اللقاء لقلوب الا حبـاب ملهـا
والفاء فلا ابغاء غير خلـي بنجـران
حبه ملك نفسـي وعطفـه شملهـا
والقاف قلت ابغاه من قلـب ولسـان
ابـو جعـود فـوق متنـه نقلـهـا
والكاف كـلا لـه حبايـب وخـلان
يتبـع طريـق اهوايتـه ماجهلـهـا
واللام لامونـي وانـا فيـك ولهـان
والنفس عيت تستمـع مـن عذلهـا
والميم من دون اريش العين عـدوان
ناس بنشـر القـوال ربـي شغلهـا
والنون نرجي خالق الانس والجـان
يقضـي لعبـده حاجـة قـد سألهـا
والهاء هواية خاطري زين الاوجـان
اللي سهومه فـي ضميـري جعلهـا
والواو ويل اللـي يقولـون بهتـان
في يوم تجزاء كـل نفـس بعملهـا
والياء يقوله واحـد بـات سهـران
ذاق العـزاري والحيـاه اعتزلـهـا