قصيدة للشاعر فهد بن دلباح الهاجري وقصته مع 902 وفزعة الشهراني
ياليـل دانـه يـالالالـه دانــي
والقلب يطرب لابدعـت الحانـي
مصبح وغابـش للـدوام المنفـي
عن ديرة اهلي والربع واخوانـي
شدقم عسـى ربـي يولـع فيهـا
ويصير نقلـي يمـت الظهرانـي
حظي حذفني وسط ذيـك الديـره
وانا من صروف الزمـن تعبانـي
والباااارحه كلمت مبنـى الهاتـف
رد الموظف قال..ألو...الشهراني
قلت ونعـم يامرحبابـك واكتـب
عندي مشاكل والصـدر مليانـي
ياخي لمـاذا تفصلـون الهاتـف
وانا مشـارك عندكـم بطرانـي
جاكم سـدادي قبـل ياتـي حلـه
وانتـوا جزاكـم للوفـا نكرانـي
وقلت استمع لي باخذ امن اوقاتك
والا بكلـم لـي موظـف ثانـي
قال اسلم وعطنا وش اللي عنـدك
وانـا معـاك مفـتـحً اذانــي
قلت الحكايه باختصـارٍ موجـز
انـي احـب وخافقـي ولهانـي
ودي اكلم صاحـبٍ لـي غالـي
دايـم يواصلنـي ولا يجفـانـي
بس المصيبه خطـه اللـي عنـده
شحنه مكمـل والهـوى اعيانـي
يرن لـي رنـه وانـا ماعنـدي
جوالـي مطفـر وانـا طفرانـي
وقال الموظـف لاتكمـل وقـف
ترى كلامـك هيـض الاشجانـي
يمكن احاول اخدمـك لـو اقـدر
لكـن لاتاخـذ كلمتـي برهانـي
وذكرتله ببيـتٍ ينومـس ذكـره
وفي مدح ربعه خاطري ودانـي
وشاش وتنومس وانتفض له نفضه
وقال ابشر بعزك وانـا قومانـي
والله لااسوي لخطك امرً فـوري
ويرجع ولو يزحف على الكرعاني
قلت....ونعممممم ياللي تسد الازم
قرم وربوعـك فالقـا شجعانـي
وانا... ماودي احرجك في شغلك
لكن ظروفـي فالهـوى تحدانـي
لكن علي رفقه من اغلـى غالـي
اني فمدحـك لا ابـدع القيفانـي
ومن فرحتي غنيـت قافـي هـذا
مـن اولـه ياليـل دانـه دانـي
وسلامـتـكـم
31-03-2009, 02:12 AM
العرض الشجري