حصري / محاورة (علي بن حمري × محمد بن دسمه) .!

محمد بن دسمه · #1 02-02-2009, 05:30 PM

السلام عليكم ورحمة الله وبركاته

هذه محاوره جرت بالامس في منتديات النداوي مع الشاعر الكبير علي بن حمري (راية الشعر)

والحقيقه اللعب مع شخص شروى بوفواز يعد مكسب كبير ..

ومن تحاور معه يظهر باستفادات كبيره ..

صلو على النبي

بن دسمه

بن حمري

مرحبا ترحيب صاحي جلد مهوب فاهي=باللـذي ورّد علينـا ثقايلـه وخفافـه
جعل يرفع جاهك اللي رفع قدري وجاهي=عند حكام المدينـه وتجـار الصرافـه

بن دسمه

دام راسك يااخو شمه .. على المشراف راهي ..؟=الجمل شـ/ أمـره علينـا .. يعاملنـا بلطافـه .!
ياابن حمري دام عز الحكومـه و (البياهـي) ..؟=ميـر قلـي وش حصيلـك إذا مابـه كلافـه .!

بن حمري

احمد الله خطوتي عز والملبـوس زاهـي=ومن يخاف الله ترى الناس تحشمه وتخافه
انـت لادليـت دربـي وحـددّت اتجاهـي=فارق التوقيت ينبيك عن طـول المسافـه

بن دسمه

القضيه في يدينك .. إلى شد إنتباهـي ..؟=حكم سنك ياطويل العمر .. مابه حسافه .!
سايق الحمله لقيته على كبري الملاهي ..؟=يبغي الالعاب .. واللعب مايبغي نصافه .!

بعدها دخل وقت صلاة الفجر ونهيناها ..

وترقبوا محاورات جديده