السلام عليكم ورحمة الله وبركاته
مشاركتي عباره عن مقاطع من أشعار المبدع:
عبدالكريم الجباري
وأتمنى إنها تحوز على إعجابكم....وأتمنى أشوف ردودكم....
""""""""""""""""""""""""""""""""""
"عيدك مبارك"
جيت أبارك له بفرحة عيده بميلاده
بأول العام الجديد أحلى وأبرك ساعه
طبع غربي لاهو لي ولاني بمعتاده
بس قلبي يعتبرها حيلة الطماعه
شوف من خيّم على قلبي ودق أوتاده
دقة خيام بدوي جاز له مرباعه
"الأقراب"
والله يابعض المعارف فالأجناب
أخلص من قريب النسب فالمحبه
هذا إن تردى ينحسب مية حساب
وإلا القريّب لا فعل ماتكبه
محدٍ يبي يبتر ذراعه ولو عاب
عمر السفينه ماتعاكس مهبه
"القبايل"
تبي تعرف الموده والمعزه
صحيح القول ومن القول مابه
تغرب في ديار أهل النجاسه
مع الكفار عمرك في نهابه
وإلا شفت العرب تشفق عليهم
تحس إن بينكم دم و قرابه
فما بالك إلا شفت القبيلي
تحس أخوك لو ماأبوك جابه
"لاتفكر"
خلها في القلب وانسى لاتفكر
دام شيٍ راح لاتحسب حسابه
لو هقيت بيوم إن بالك تعكر
هي كذا الدنيا ماهي دايم طرابه
بس لاتنسى بعد هذي تذكر
مايطيق الجرح من ذاق الإصابه
مثل صدمات الرفيق إليا تنكر
ضاعت الهقوه وضاع اللي هقابه
"غربة الوطن"
بعض العرب في جوفها علوم وأسرار
والله هو اللي عالمٍ بالسريره
كم واحدٍ يشرب قراطيع الأمرار
ولاكن صابه كبر حب الشعيره
كم واحدٍ لو صابه أدناة ماصار
خلى الصغيره في عيونه كبيره
"بعد حيي"
كنت أحسبك لي حبيتك وعزيتك
وأثرك لغيري وأنا أحسب لي متهيي
أنت الذي جيت في رجليك ماجيتك
واليوم تبخل علي بالصوت وتعيي
بس لايهمك على فرقاي لبيتك
وأبيك تسمع كلامي يابعد حيي
لو مابه إلا أنت والله ماترجيتك
ولا أنتَ بلاقي حبيب يقرك زيي
"الفقيده"
العرب تصنيف وأنواعٍ عديده
مثل تصنيف الإماره و القياده
واحدٍ بالنفع ماينفع عضيده
وواحدٍ يضفي على ربعه ضماده
وواحدٍ حتى كلامه مايجيده
وواحدٍ قوله على عرف وركاده
وواحدٍ فوده إليا جابه من إيده
وواحدٍ لوغبت ما يلحق مراده
وواحدٍ جيّد ونظراته بعيده
وواحدٍ قلبه تعوّد للرباده
"خلني"
تدري وش اللي ذبحني والبلا فيني
بعرف عروق الغلا وشلون تسرقها
يمكن تكون الخيانه من شراييني
وإلا حظوظك يجوز الله موفقها
ماقلت لأحدٍ سوا أمي يابعد عيني
وشلون خليتني لعيونك أنطقها
"بعض المواقف"
أبوي يطري كلامه ياملا الجنه
تمشي نصيحته في دمي وشرياني
يقول حقي عليك إن ضيقك تكنه
أنت تحمله لو ماكنت غلطاني
كم واحدٍ في مصابك يبتسم سنه
ولا أبيه يشمت بضيقك أية إنساني
وســــلامتكم
و أتمنى أشوف ردودكم
مع تحياتي....ظما الوجدان....
30-09-2008, 10:38 PM
العرض الشجري