لاكنّ من حقّي ليـا قفيـت منـي ولا تهـون // مع كل مطلع عيـد عايدنـي ولـو بمخابـره(دره)

[فهد بن مطلق]

السلام عليكم ورحمه الله وبركاته


(دره)لــ/تواصــل فقط


صلوا على النبي
.
.
.
.
.

ودّعتك الله يامودعني مـع خضـر الطعـون=وفأمانة اللي يبعد أحـزان القلـوب الصابـره
مانيب أول عاشقٍ قلبـه مـن البعـد مغبـون=أنا أدري ان ضحك الوصل دمع المفارق دابره
لو أن بعدك مايطاق ودمـع عينـي مايهـون=عز الله اني مانجيـت وصـار شـيٍّ خابـره
والله يالوّك شفت وش هلّت من الدمع العيـون=ماكان تكسر قلب في صدّك وقربـك جابـره
خليتنـي للهم والتفكيـروازعـاج الظـنـون=واصغارها اليا انعزلـت مـن ألأوادم كابـره
ليت الظعون شتات من قبل نتخالف في الظعون=ولا أسكاتي فوق جـرحٍ مااستطعـت أكابـره
أنشهدّ اني ماهقيت العشـق يوصـل للجنـون=لاجيت أخابر رقم غيره دون وعـي أخابـره
يسقا علي يومك تمون ويوم غيـرك مايمـون=ومافيه غير الشوق يسبـر غرّتـك وتسابـره
عاد الأماني من وراك ولوعـة العشـاق دون=والفجر ماندري بقربـه كـود مـن منابـره
كن البشر في كون تسكن وانت في دنياك كون=متسيّدٍ قلبـي ولابـه عـرق منتـب شابـره
ياممتلكني يارقيـق العـود يالغـض الحنـون=حبّـك يهايقبـي علـى موتـه وذي مقابـره
ليه العذاب يصير للعشاق في البعـد مخـزون=ليه الليالـي كـل مانفـرح ونعشـق عابـره
ليه الحـزن يبقـا وماقبلـه ولا كنّـه يكـون=ليه السؤال وليه دامـه صـار شـيٍّ خابـره
لاكنّ من حقّي ليـا قفّيـت منـي ولا تهـون=مع كل مطلع عيـد عايدنـي ولـو بمخابـره

لــ/مبارك بن اعيينان