يسعدلى مساكم اخوانى الاعضاء والخواتى العضوات 
قصيده اعجبتنى وحبيت تشاركونى فيها
عزي لمن قلبه المخلص وقف ضده
مع واحدن مابعد جيتـه ولاجانـي
توه يلمّح بهرجه عن خفـى سـده
وانا من العام مخلص له ومتفانـي
ودي بـوده وكنـه ماهـو بـوده
يصـد عنـي ولاقفيـت نـادانـي
حبل الرجا في يده يرخيه ويشـده
يامر وينهى وكنه اكبـر اخوانـي
ياهوه ماترحم اللي مللعـن جـده
اللي متيـم بحبـك أيهـا الجانـي
طلبت منه القصيد وجيتـك اعـده
لبيه لا قلتلـي صـح الله لسانـي
قلبي خذيته وتكفى يالغضـي رده
وإلا. خذ اللي بقا مني على شانـي
يكفي تغلي ترى صبري وصل حده
حاول تجيني عسى يمديك تلقانـي
صديت واقفيت والصده هي الصده
ولاهوب حـقٍ تعلقنـي وتنسانـي
ان كان قصدك تغلي طالت المـده
والشي لاطال يسمج والعمر فانـي
وان كان عندك كلام وتستحي بـده
خل التردد وخـل الخافـي يبانـي
وان كان قصدك تبي الروحه بلاردة
باصبر وبالقا بدالك واحـدٍ ثانـي
25-08-2008, 04:26 PM
العرض الشجري