مـــدرى عـــلامة؟

[السنـــــافية]

مــــــــــــــدرى عــــــــــــــــــــلامـــــــــة؟

أهداءء خاص ::::

يا صباح الصدق والنيـةالسليمـة=يالله اني ما اطلبك غيـرالسلامـة

الزمـن هـذا مفاهيمـه عقيـمـة=هالزمن يكـره دروب الاستقامـة

الصراحـة مالهـا معنـى وقيمـة=والصدوق اعلن مع الوقت انهزامه
من عقب ماكان له قـدر وحشيمـه=صار وسط عيونهم واطـي مقامـه


وبسبب كلمة لقـى سـب وشتيمـة=وسلبوه أبسـط حقوقـه والكرامـة

يـــاحـــمــــامــــة
ياحمامة كـان باقـي فيـة شيمـة=وصلي له هرجتي ذي يـا حمامـة

خبريـه ان طعنتـه جـداً أليمـة=يـوم يجرحنـي بفعلـة وبكلامـه

علميه ان كلمتـي ماهـى جريمـة=فهميـه يزيـل عـنـى اتهـامـه

وليه يومي كنت بعيونـه عظيمـه=ثار في وجهي.. وانا مدري علامه؟

كانهـا لـه حجـة ونيـة قديمـة=ناوي الفرقا..وفيّ أطلـق سهامـه

بشريـه انـي ابـد مانـي مقيمـة=وله تحيـات الخفـوق واحترامـه


وطمنيه انـي بعـد بنـت فهيمـه=لي أهل ما عرفوا دروب الرخامـة

ما اتبع المقفي ولو هو زاد ضيمـه=أحبس بقلبـي جروحة والملامـه
حتى لو يشعر خفوقـي بالظليمة =أكتم أحساس الالم ويا الندامة
حتى لو اشعر بخذلان وهزيمة=برسم بوجهى علامات ابتسامة

من صفاتي بالغضب جـداً حليمة = وأضبط أعصابىبقوةوبصرامـة


هو سـأل وانـا ردودي مستقيمة=ليه يزعل؟ ليه يبدي فى خصامة؟

لازم أكذب وأحرمه صدقي حريمه؟=لاجل ما يزعل ويبدا في شتامـه؟

°
°
بشريـه لسانـي بيَبـدأرجيمـه=يترك الصدق ويبي يخلـي نظامة
وابتـدي بـه بالمسايَـر والنميمـة=لين أعلق رتبة الزيـف ووسامه


ياصباح الكـذب والنيـة السقيمة=يااللة أنى ماأبىكـود السلامـة

وسلامتكممممم