أحسن الله بك عزاي .. !!!!

[محمد بن سعود]

تـوااصل من المملـكه ..

عل ّ وعسى ان تنال على القليل من إعجابكم .. !

قالت أسمع .. قلت يا لبيه يأغلى من سمعته=أسلمي .. ما غيرتس اللي لا حكى بعثر كياني

قالت أركد .. ليه تنسى ماضي ٍ بيدك مسحته=كنت تمدحني وتتغــزل .. وترجع وتهجـاني

ليه .. ترخص دمعتي وأنت الرصيد اللي ملكته=آه .. لو تسأل دموع العين منـّـك ويش جاني

كنت أنا كلك .. ولا غيرك من الدنيا زبنته=لأستجـار الوقت ما غيرك زبنته من زماني

قلت لحظه .. قالت أسمع فيه شي ٍ ما ذكرته=من كثر ما ابكيه .. في لحظه مع الواقع بكاني

قلت وشهو .. قالت الجرح العميق اليا دفنته=وسط صدري .. ويش أخلي للزمان اللي حداني

شفت لك صورة مع الشعار .. والماضي سألته=هو نساني يا ليال العشق .. ولا ما نساني

ورحت اقلب دفتر ٍ لولاك .. والله ما حفظته=وبين طيّات الكتاب ألقاك لي .. والـ / شخص ثاني

قلت لحظه .. قالت أبيات الشعر واللي كتبته=من فراغك .. عمـّر أبقلبي مع غيابك مباني

ليه تقسى وانت مَن مِن غفلة أيامي زهمته=لجل يفزع لا عبس وجه الزمن ولا عصاني

عظم الله أجرك أبمحبوبك اللي ما رحمته=ليتك أتفج النحر وأتشوف ما بين المحاني

ليت .. ليتك تغفر أذنوبك من اللي بي فعلته=يا خرافة واقع الماضي ويا كبوة حصاني

قلت هونتس يا غلا الماضي ويا شي ٍ جهلته=يا سراب ٍ كم طردته مير ما عمره عطاني

لا تعزيني وانا الماضي من الحاضر مسحته=أحسن الله بك عزاي .. وصح في قولي لساني !

طـلال السيحـاني /...