يا جعلني ما أبكيش

[السياسي]

يابنت لو طال المدى والبعـد والوقـت الثقيـل=ولو الليالي الموحشـه ماهونـت مـن شرّهـا


والله العظيم ان لش بقلبي قـدر مامثلـه مثيـل=وان صورتش خلف الحنايا العوج ماحدن فرّهـا


هذي يميني سقتها لش واليميـن اكبـر دليـل=ولا نيب سايق لش يميـن ٍعاجـز ٍفـي بِرّهـا


افرح بشوفش فرحةالبـدوان لاشافـو سهيـل=يدرون في طلعة اسهيـل القـاع تبلـع حرّهـا


القاع تفرح والهوى والناس وعـذوق النخيـل=نجمه وسط كبد السما تسر الثرى ويسترّهـا
!!!

وانتي صحيح انش بعيده عني ودربش طويـل=بـس المحـبـه ثابـتـه مقـرّهـا مقـرّهـا


لاتحسبين انش لحالش يـوم دمعاتـش تسيـل=مرارتـش احـس فيهـا واتـجـرّع مـرّهـا


بس اصبري ((ياجعلني ماابكيش)) فالصبر جميل=نذرٍ علـي يـا غصّتـش لاازر منهـو زرّهـا


مادام حبش في خفوقي حط له ممسـى ومقيـل=ان الله احيانـي حـلا الايـام يعقـب مـرّهـا

.
(هل يعقل ان الفتى الحر الاصيل ابن الاصيـل=يخـون فـي عـذرىَ أصيلـه أمنتـه سرّهـا


لا والـذي نفسـي بيـده انّــه للمستحـيـل=سـرُّ الأصيـلُ كتلـة ٌ يُمنـعُ بـتـاَ ثـرّهـا
.
لكن انا خايف عليش مـن المنافـق والعميـل=اللي يغرّر فـي نفـوس الخلـق ليـن يغرّهـا


يجعل من الجمله قصص ويحـط للكلمـه بديـل=ويشب نـار الفتنـه اللـي ماينومـس حرّهـا


ولاّانـا مانـي بخيـلِ بالـوصـل ولا ذلـيـل=ومدري المنايـا اتجرنـي ولا جنونـي جرّهـا


من قبل اعرفش كنت عاقل واصبح العاقل هبيل=ماعاد افكر ويش يسر النفس وويـش يضرّهـا


وان مت والطمعه عيونش مااعتبر نفسي قتيـل=ابعتبـر روحـي شهيـدة حــب لله درّهــا


تعبت انا امهل للزمن واصبر على الحظ البخيل=لا الحظ طاب ولا الليالي هوّنـت مـن شرّهـا









وسواااااااااااااااااااالم وتعيشون

الشاعر محمد فهد العرجاني


السياسي