((غني بربي)) لــ سعد علوش

[فهيد بن سالم]

(بسم الله الرحمن الرحيم)

السلام عليكم ورحمة الله وبركاته.....

مساء الخير جميعاًً ولا أجيد المقدمات .... هذه قصيده لشاعر سعد علوش ... بعنوان: غني بربي
وإليكم القصيده....

غني بربّـي والدعـا والرفاقـه=وقرم وليا جت للقصايد مفـوّه
بحـرن تباعـد غبّتـه عـن زراقـه=لهـل الغثـا طيشـه ولله هــدوّه
ان زان وقتي خـذت لـذّة فواقـه=ولوّه يشيـن يشيـن عـادي ولـوّه
بنكي رياجيـل الشـرف والبطاقـه=جمايلي وأسمـي وكبـر المـروّه
من لابتن في ثقـل أهلهـا محاقـه=فعيونـهـا كـثـر الاوادم يـشـوّه
الأكرمين أهـل العقـل والحماقـه=الجيّـديـن مزبّنـيـن الـجـلـوّه
هاذي فقط نبذه عن أهل العراقـه=والسامي أيرجّح كلامه سموّه
عن أفتعـالات الغضـب والطفاقـه=وعن المليىء اليـا تبيّـن .. خلـوّه
حبّيـت أبينلّـك أصـول اللبـاقـه=مع واحـدن غيثـه يساابقـه نـوّه
وألاّ أنت كامل لاكن أن فيك عاقه=ينقـص برستجيـك شويّـة جـروّه
يمغيّـرن فعيونـي أصـل العلاقـه=تخيّلـو عـدو يعشـقعــدوّه
لازمتنـي بحـلا الدلـع والشفاقـه=وأدخلتني في حلم عمـرك وجـوّه
وحببتني في شي أسمـه صداقـه=وكرّهتني في شي أسمـه أخـوّه
ولفتنـي بـاو الغنـج ولـف ناقـه=وأنا ولفتـك ولـف حاتـم لضـوّه
ولو نختلف بشيا الغضب والرواقه=مانيـب قايـل ماتسـوّيـه ســوّه
ركّز معي للريح طـلاّااق ساقـه=وللشين شينـن لانصـا مايمـوّه
يعلـم بئـن حلـم الكسـول اللياقـه=ويعلـم بئـن حلـم العقيـم الأبـوّه
ويعرف متى نضج الورق وأحتراقـه=خبير في الاحياء ماهـوب تـوّه
ثورته لاجت تشعـل ألفيـن طاقـه=ماهيب شبّة قاز فـي جمـر دوّه
منتب غبي جـدّاا بلفـظ الرشاقـه=وأنا ذكي جدّاا وحبّيت أنـوّه؟
لأنّـك تنفّـاس الحشـا وأختنـاقـه=ياكـل شبحـي ياقصـاه ودنـوّه
روحك وقلبي لو بحلـل وثاقـه=مربوطتن في بعض هيّّـا وهـوّه
فن غبت يانفـر العقـل وأشتياقـه=مانيب راغـب بعـد خوّتـك خـوّه
ببكي على زولـن عشقتـه عشاقـه=وترى البكى للأقويـا زود قـوّه
فن شفت أبن علوش يبكي فراقـه=ترى أنحدارات الجبـل مـن علـوّه

سلامتكم..... وإنتظرووو الجديد .... وتقبلووو تحياتي