السلام عليكم
بدون مقدمات
الصمت يكفي ويشفي صدر راعيه=لاصار كل الحكي ماله معاني
والقلب ماعاد تعنيه المشاريه=والعين ماعاد تغريها الأماني
والخاطر العمس من يقدر يسلّيه=الناس ولاّ الشعر ولاّ الأغاني
أحيان أشوف أصدقا و قلوب و وجيه=واحيان مااشوف غيري في مكاني
و احيان أدوّر لوقتي عذر و اخطيه=و احيان أنا اخطي ويعذرني زماني
ياكاتب الحزن في صدري و قاريه=في نظرتي في انفعالي في حناني
ياليت حزني مجرّد دمع و ابكيه=ماهوب عايش معي بين المحاني
ماهوب يظهر علي و احاول أخفيه=و تصير نظرات حزني هي لساني
لو للسحايب سجن ياعبرة التيه=والله مااسجنك في قلبي ثواني
مدري ذكرني زمانٍ كنت ناسيه=مدري ذكرت الزمان اللي نساني
كنت أكره البحر و اخاف الغرق فيه=و اصبحت أحبّه و اخاف من المواني
كنت أعشق الجاي بأحلامه و امانيه=ياما بنيت بـخيالي له مباني
و ياما رجيت العطا من مَدّة ايديه=حتى خذا كل شي وماعطاني
شعر // رشيد الدّهام
العرض الشجري